Kierch Léiweng

Vu Wikipedia
Op d'Navigatioun wiesselen Op d'Siche wiesselen
Kierch vu Léiweng
D'Léiwenger Kierch (2013)
Uertschaft Léiweng
Par Beetebuerg
Numm / Patréiner Hl. Lukas
Konsekratiounsjoer -
Architekt(en) J.-P. Koenig
Kierchen - Kapellen

D'Kierch vu Léiweng ass eng kathoulesch Kierch déi zur Par Beetebuerg, zum Parverband Réiserbann, zu der Pastoralregioun Süden, zum Dekanat Beetebuerg an zu der Gemeng Réiser gehéiert.

Se ass dem hellege Lukas geweit, deem säi Fest den 18. Oktober gefeiert gëtt.

D'Kierch steet ganz am Süde vun der Uertschaft an der Kierchestrooss (rue de l'Église), enger Sakgaass. Nieft der Kierch ass de Kierfecht¨ugeluecht.

Zur fréierer Par Beetebuerg gehéieren ausser der Filialkierch vu Léiweng och nach d'Dekanatskierch vu Beetebuerg an d'Kapell vun Obeler.

Op der Südsäit vun der Kierch stinn zwee Weekräizer déi a guddem Zoustand sinn.

Geschicht[änneren | Quelltext änneren]

D'Kierch gouf 1914 am nei-romanesche Stil no de Pläng vum Architekt Jean-Pierre Koenig gebaut. Virdru stoung op där Plaz eng Kapell déi joerhonnertelaang ëmmer nees restauréiert gouf. Den Haaptaltor, deen 1753 vum Nikolas Greef vun Altwis ganz aus Eechenholz gemaach gouf, ass aus der aler Léiwenger Kapell an déi nei Kierch iwwerholl ginn. Et kann een eng Statu vum hellege Lukas drop gesinn.

Vum Abrëll bis den Oktober 1933 gouf de Chouer vum Nicolas Brücher vun Elveng ausgemoolt.

1955 krut d'Kierch en neien Ustrach an et gouf eng nei Heizung installéiert.

1970 ass aus der Kommuniounsbänk deen neie Volleksaltor gemaach ginn an d'Kierch krut nees en neien Ustrach.

1979 sinn Aarbechten ausgefouert ginn fir d'Baussemaueren dréchen ze leeën. Dobäi sinn Iwwerreschter un engem réimesche Graf fonnt ginn.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Kierch Léiweng – Biller, Videoen oder Audiodateien