Kierchermillen

Vu Wikipedia
(Virugeleet vu(n) Kiercher Millen)
Op d'Navigatioun wiesselen Op d'Siche wiesselen
Kierchermillen
Kiercher Millen01.jpg
Aussprooch
Land Lëtzebuerg
Kanton Klierf
Gemeng Coat of arms troisvierges luxbrg.png Ëlwen
Buergermeeschter Édouard Mertens
Koordinaten 50° 08’ 14.5’’ N
05° 58’ 14.8’’ O

Kierchermillen, lokal Kirchermillen, op den topographesche Kaarten als Kiirchermillen ze fannen, ass e Lieu-dit an eng fréier Millen an der Gemeng Ëlwen.

Geographie[änneren | Quelltext änneren]

D'Kierchermille läit 1 km südwestlech vu Kierchen, an der Gemeng Ëlwen, am Dall vun der Wolz, wou déi vun der Weierbaach gefiddert gëtt. D'Eisebunnslinn Ëlwen-Gouvy geet direkt do derlaanscht.

D'Millen[änneren | Quelltext änneren]

D'Kierchermille gouf 1331 als Bannmillen am Fräiheetsbréif vun der Fräiheet Beesslek vum Jang de Blannen ernimmt.

1747 war de Georg Finck de Millepiechter. 1790 gouf d'Mille fir 850 Daler un de Johann Pauly vu Mettendorf verkaaft a war vun do u keng Bannmille méi.

Zanter 1908 war d'Millen am Besëtz vun der Famill Schmitz-Pauly. 1946 war Schluss mam Muelbetrib. Zanter 1998 ass se am Besëtz vun enger Stëftung.

D'Millerad gouf net vun der Wolz ugedriwwen, déi net wäit dovu laanscht leeft, mä mat Waasser aus dem Milleweier, dee vun der Weierbaach gespeist gëtt. Déi lescht Muelsteng aus Äifeler Sandsteen sinn zu Kierchen op der Kräizung vun der Haaptstrooss, an der Strooss déi op d'Kierchermille féiert, opgestallt.

D'Plaz vun der aler Kierchermillen, mat Terrain, Weier an Däich, gouf de 7. Januar 2011 op d'Lëscht vum Zousazinventaire vun de klasséierte Monumenter opgeholl[1].

Kuckt och[änneren | Quelltext änneren]

Um Spaweck[änneren | Quelltext änneren]

Commons: Kierchermillen – Biller, Videoen oder Audiodateien

Referenzen[Quelltext änneren]

  1. Service des Sites et Monuments Nationaux: Liste des immeubles et objets classés Monuments nationaux ou inscrits à l'Inventaire supplémentaire. (Lescht Versioun vum 12. Juni 2020).