Haus vun der Natur

Vu Wikipedia
(Virugeleet vu(n) Kräizhaff)
Op d'Navigatioun wiesselen Op d'Siche wiesselen
Disambig.svg Dësen Artikel beschäftegt sech mat dem Haus vun der Natur op der Kockelscheier. Fir aner Bedeitungen, kuckt wgl. Haus vun der Natur (Homonymie).
D'Haus vun der Natur (Juni 2007)
D'Haus vun der Natur (Juni 2007)

D'Haus vun der Natur, de fréiere Kräizhaff, ass e Naturschutzzenter op der Kockelscheier, um Terrain vun der Gemeng Réiser.

D'Haus an d'Terrainen déi dozou gehéieren, sinn am Besëtz vun der Stad Lëtzebuerg.

D'Haus gouf 1994, no dem Ëmbau an der kompletter Renovéierung vum fréieren Haff der deemoleger A.s.b.l. "D'Haus vun der Natur" (haut natur&ëmwelt) zur Verfügung gestallt.

Zanter dem Juli 2012 gëtt d'Haus, an deem eng Rëtsch Naturschutzorganisatiounen hire Sëtz hunn, vun natur&ëmwelt geréiert.

D'Haus vun der Natur war deen éischten Naturschutzzenter zu Lëtzebuerg.

Historique[änneren | Quelltext änneren]

Den 29. September 1986 ass d'A.s.b.l. "D'Haus vun der Natur" vun aacht Organisatioune gegrënnt gi fir op dës Manéier hir Aarbechten am Beräich Naturschutz ze koordinéieren. Grënnungsmembere vun dëser Vereenegung waren:

Am Juli 2012 hunn d'Natura, d'Lëtzebuerger Natur- a Vulleschutzliga an d'Associatioun D'Haus vun der Natur mat natur&ëmwelt fusionéiert a bestinn zanterhier net méi als eegestänneg Veräiner.

No 2000 hu folgend Organisatiounen hire Sëtz an d'Haus vun der Natur verluecht:

D'Gebai[änneren | Quelltext änneren]

D'Gebai vum fréiere Kräizhaff gouf den 22. Januar 1985 op d'Lëscht vum Zousazinventaire vun de klasséierte Monumenter agedroen.

An de Joren 2014 an 2014 gouf eng nei Extensioun gebaut, déi den 23. September 2014 inauguréiert gouf. Deen Ubau ass no ekologesche Critaire gebaut ginn: Isoléierung aus Zellulos, Fassad aus regionalem Meläs, Réie Beton ouni Gëpsbotz, Parquet aus Massivholz op Holzënnerbau, wat eng Schapp iwwerflësseg mécht, natierleche Schied duerch eng baussesch Vegetatioun, wouduerch keng Baussejalousien néideg sinn, gäertneresch Gestaltung vum Ronderëm mat regional produzéiert Planzen a Geséims, biologesch Kläeranlag asw.[1]

Kuckt och[änneren | Quelltext änneren]

Um Spaweck[änneren | Quelltext änneren]

Referenzen[Quelltext änneren]

  1. Cf. ECOlogique 2014/3: 16-17. (PDF)