Lëtzebuergesch Dammefoussballnationalekipp
 Lëtzebuerg | |||
 | |||
| Spëtznumm: | D'Rout Léiwinnen (Les lionnes rouges, Die Roten Löwinnen) | ||
| Federatioun: | FLF | ||
| Trainer: | Cristina Correia, Daniel Zirbes | ||
| Meescht Matcher: | Amy Thompson (54) | ||
| Meescht Goler: | Amy Thompson (36) | ||
| Stadion: | Stadion vu Lëtzebuerg (Stad Lëtzebuerg) | ||
| Historesch Matcher | |||
| Éischte Match: | Lëtzebuerg –  Slowakei 0–418. November 2006, Jonglënster | ||
| Héchst Victoire: |  Tahiti - Lëtzebuerg: 0–1119. Februar 2022, Molsheim | ||
| Héchst Nidderlag: | Lëtzebuerg -  Polen: 0–1212. Februar 2014, Kietscht | ||
| |||
D'lëtzebuergesch Dammefoussballnationalekipp (Spëtznumm: Rout Léiwinnen) ass eng Selektioun vun de beschte Lëtzebuerger Foussballspillerinnen, déi vun der Fédération luxembourgeoise de football (FLF) ausgewielt ginn. D'Ekipp besteet zënter Juni 2003 a vertrëtt Lëtzebuerg am internationalen Dammefoussball.
D'Ekipp gëtt zënter dem 24. Mäerz 2026 vum Trainerduo Cristina Correia an Daniel Zirbes trainéiert[1] als Nofollger vum Daniel Santos deen d'Rout Léiwinnen zënter dem Summer 2020 trainéiert hat. Dem Santos säi Kontrakt war den 11. Mäerz 2026 wéinst presuméiertem Feelverhale géintiwwer Spillerinne gekënnegt ginn[2].
Geschicht
[änneren | Quelltext änneren]Am Joer 2006 huet d'Ekipp fir d'éischt Kéier un der Qualifikatioun fir e groussen Tournoi, der UEFA Dammefoussball-Europameeschterschaft 2009, deelgeholl. D'4–2 Victoire géint Malta war déi éischt Victoire fir Lëtzebuerg, an d'Ekipp koum duerno op d'Plaz 60 an der FIFA Weltranglëscht, déi bis elo bescht Plaz déi d'Ekipp erreecht huet. Duerno ass d'Ekipp fir eng Zäit aus dem Ranking erausgefall well se ze mann Matcher gespillt hat, a gouf op der 117. Plaz notéiert. Am August 2025 war s'op der 110. Plaz klasséiert[3]. An der Virronn fir d'Europameeschterschaft 2013 koum d'Ekipp beim Tournoi a Mazedonien op déi drëtt Platz an hirer Grupp. Virun der Weltmeeschterschaft 2011 hunn d'Rout Léiwinnen eng éischt Kéier géint eng Ekipp gespillt, déi net Member vun der UEFA war; de Match géint Equatorialguinea hu se verluer. An der Prequalifikatioun fir d'Weltmeeschterschaft 2015 huet d'Ekipp et net fäerdeg bruecht, sech fir déi eigentlech Qualifikatioun duerchzesetzen: op Malta gouf et just en 0–0 Gläichstand géint Lettland. A Moldawie koum d'Ekipp an der Prequalifikatioun fir d'EM 2017 op déi lescht Plaz an hirer Grupp. Och an der Prequalifikatioun fir d'WM 2019 ass d'Ekipp op der leschter Plaz gelant a krut keng Punkten.
2025 waren d'Léiwinnen dunn awer déi Éischtplacéiert an der Grupp C3 vun der UEFA Women's Nations League an hunn et domat gepackt fir an d'Liga B opzesteigen.
Aktuelle Kader
[änneren | Quelltext änneren](Stand 1. Dezember 2025)
Kuckt och
[änneren | Quelltext änneren]
Portal Sport- Lëscht vu lëtzebuergesche Sportler
- Lëscht vu lëtzebuergeschen Olympionicken
- Lëtzebuergesch Sportler vum Joer
- (de) Lëscht vun de Spillerinne vun der Nationalekipp
- (de) Lëscht vun de Lännerspiller vun der Dammennationalekipp
- Lëtzebuergesch Härefussballnationalekipp
- Fédération luxembourgeoise de football
Éierungen
[änneren | Quelltext änneren]| Virdrun |  Sportsekipp vum Joer |
Duerno |
|---|---|---|
| Dammebasketballnationalekipp | 2025 | -- |
Um Spaweck
[änneren | Quelltext änneren] |
Commons: Lëtzebuergesch Dammefoussballnationalekipp – Biller, Videoen oder Audiodateien |
- Lëtzebuergesch Dammefoussballnationalekipp op der Säit vun der FLF
Referenzen an Notten
[Quelltext änneren]- ↑ (en) CRISTINA CORREIA ET DANIEL ZIRBES À LA TÊTE DES ROUT LÉIWINNEN - post - Fédération Luxembourgeoise de Football. www.flf.lu. Gekuckt den 01.04.2026.
- ↑ (en) RÉSILIATION DU CONTRAT DE L'ENTRAÎNEUR DE LA SÉLECTION NATIONALE DES DAMES - post - Fédération Luxembourgeoise de Football. www.flf.lu. Gekuckt den 01.04.2026.
- ↑ (de) Aktuelle Weltrangliste der Frauen. inside.fifa.com (07.08.2025). Gekuckt de 05.12.2025.