La République en marche !

Vu Wikipedia
Op d'Navigatioun wiesselen Op d'Siche wiesselen
La République en marche !
Ofkierzung LREM
Gegrënnt 6. Abrëll 2016
Parteizentral 99, rue de l'Abbé-Groult
75015 Paris
Politesch Positioun Mëtt
Faarwen Schwaarz a Wäiss
Websäit
en-marche.fr

La République en marche ! ass eng franséisch politesch Partei, déi als En marche! de 6. Abrëll 2016 vum deemolege Wirtschaftsminister Emmanuel Macron als Beweegung gegrënnt gi war (seng Initiale sinn déiselwecht wéi déi vun En Marche).

Et war eng Plattform, fir Ënnerstëtzung fir seng Kandidatur fir d'Presidentschaftswalen dat Joer drop ze fannen. De 16. November 2016 huet de Macron offiziell seng Kandidatur agereecht.

En marche! versteet sech als eng progressistesch Alternativ zum traditionelle lénks-riets markéierte politesche Spektrum. Se huet e sozialliberaalt Profil.

Nodeems de Macron den 8. Mee 2017 zum Staatspresident gewielt gi war, huet hien d'Presidence vun En Marche opginn, an d'Beweegung huet sech an d'Partei mam Numm La République en marche ! ëmbenannt. D'Catherine Barbaroux gouf, bis de Grënnungskongress am Juli 2017, provisoresch Presidentin.

Bei de Parlamentswale vum 11./18. Juni 2017 krut d'LREM mat 308 Sëtzer d'absolut Majoritéit.

Um Spaweck[änneren | Quelltext änneren]

Referenzen[Quelltext änneren]