Leschte Steiwer

Vu Wikipedia
Dernier Sol
Numm lb: (Um) Leschte Steiwer
Fréieren Numm de: Am letzten Stüber
Längt ca. 690 m
Land Lëtzebuerg
Gemeng Lëtzebuerg
Uertschaft Lëtzebuerg
Quartier Bouneweg-Süd
Postcode 2543
Koordinaten 49° 35’ 47.22’’ N
      06° 08’ 07.8’’ O

Um leschte Steiwer, op Franséisch Dernier sol, ass eng Strooss zu Bouneweg an der Stad Lëtzebuerg. Se verleeft e klengt Stéck parallell mat der Diddenuewener Strooss, mécht dann e Bou a Richtung Norde bis bei d'Rue des Ardennes an dréit dann a Richtung Süd-Westen zeréck op d'Diddenuewener Strooss.

Den Numm vun der Strooss kënnt dohier, datt am 19. Joerhonnert op där Plaz d'Wiertschaft mam Numm "Um leschte Steiwer" (Fr.: Au repos au dernier sol) stoung, wou d'Baueren aus den Nopeschgemengen um Heemwee hire leschte Sou fir e Patt ausginn hunn.[1] Steiwer war eng lëtzebuergesch Bezeechnung fir eng Mënz, déi op Däitsch Stüber, op Hollännesch Stuiver an op Franséisch sou oder sol geheescht huet.[2] Dat zweesproochegt Stroosseschëld huet bis 1940 uginn: „Dernier Sol - Letzten Stüber" (Amtliches Verzeichnis der Strassen der Stadt Luxemburg mitgeteilt vom Strassenbauwesen 194?).

Ënner der däitscher Besatzung (1940 - 1944) huet d'Strooss „Am letzten Stüber” geheescht[3].

Tram[änneren | Quelltext änneren]

Zanter dem 11. September 2022 fiert d'Linn 1 vum Stater Tram vun der Gare op Bouneweg. Ee vun den Arrêten ass Leschte Steiwer / Dernier sol.

Biller[änneren | Quelltext änneren]

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Literatur[änneren | Quelltext änneren]

  • Margue, Paul, 1999. Hei hues de en Daler. ons stad 62: 8. PDF
  • Weber, Batty, 1926. Abreißkalender vum 12. Oktober 1926. In: "Eng Kurbel Gölleronner". ons stad 62 (1999): 17. PDF

Referenzen an Notten[Quelltext änneren]

  1. Cf. Weber, 1926 an der Literatur: "Jeder von uns kennt noch die Stelle, wo das Wirtshaus "Um leschte Steiwer" (Au repos au dernier sol) stand, in dem der Überlieferungen nach die Bauern von Hesperingen, Alzingen, Fentingen, Frisingen, usw. bei der Heimkehr ihren letzten Stüber vertranken."
  2. Cf. Margue 1999 an der Literatur: "Karls V. Taler war als Carolus bekannt, den Philippstaler bezeichnete man auch mit Patagon oder Kreuztaler. Als Unterteilungen gab es den Sou oder Sol (auch Stüber genannt, daher luxemburgisch Steiwer, welcher Ausdruck sich noch in der Ortsbezeichnung um leschte Steiwer wiederfindet), den Escalin (Schilling, zu 6 Sous) sowie die Kupfermünzen des Liard (Heller zu 1/4 Sou) und des Gigot oder kleinen Hellers (zu Vs Sou). Galt der Philippstaler anfangs 60 Stüber, so wurde der nachfolgende leichtere Patagon zu 48 ausgegeben."
  3. Guy May, 2002. Die Straßennamen der Stadt Luxemburg unter deutscher Besatzung (1940-1944). Ons stad 71: 30-32.