Little Joe (Rakéit)
D'Little-Joe-Rakéite si suborbital Rakéiten, déi fir d'Tester vun de Rettungssystemer fir d'Mercury- an d'Apollo-Raumschëffer benotzt goufen.
Déi mat Feststoffrakéitemotoren ugedriwwe Little-Joe-Rakéiten hate jee no gewënschtem Fluchprofil eng ënnerschiddlech Kombinatioun vu Rakéitemotoren, déi am Rakéitekierper montéiert waren.
Little Joe I[änneren | Quelltext änneren]
D'Little-Joe-I-Rakéit gouf mat verschiddene Kombinatioune vu jee véier Recruit-Starthëllefsrakéiten an entweeder zwou oder véier Castor oder Pollux ausgerëscht. Siwe Flich (an ee Feelstart) goufe vun der Wallops Flight Facility gemaach. Op engem virprogramméierte Punkt vun der Fluchbunn gouf d'Mercury-Raumschëff ofgetrennt a vun hirer Rettungsrakéit vun der Little Joe ewechgedréckt. Dobäi war d'Fluchbunn sou, datt déi ofgetrennt Mercury-Landekapselen u Fallschiermer um Mier erof goungen. Ufanks war am Mercury-Programm geplangt, datt all Astronaute virun hiren eigentleche Raumflich en Trainingsfluch mat enger Little-Joe-Rakéit maache sollten, wat awer well et un der Zäit gefeelt huet, vum Programm gestrach gouf.
Startlëscht vu Little Joe I[änneren | Quelltext änneren]
| Missioun | Rakéitemotoren | Start | Dauer | Crew | Bemierkung |
|---|---|---|---|---|---|
| Mercury-Little-Joe 1 | 4 Pollux, 4 Recruit | 21. August 1959 | 20 s | onbemannt | suborbitale Fluch, Feelzündung vum Rettungssystem virum Start |
| Mercury-Little-Joe 6 | 4 Pollux, 4 Recruit | 4. Oktober 1959 | 5 min | onbemannt | suborbitale Fluch |
| Mercury-Little-Joe 1A | 2 Pollux, 4 Recruit | 4. November 1959 | 8 min | onbemannt | suborbitale Fluch, Feelstart |
| Mercury-Little-Joe 2 | 4 Castor, 4 Recruit | 4. Dezember 1959 | 11 min | Rhesusaf Sam | suborbitale Fluch |
| Mercury-Little-Joe 1B | 2 Pollux, 4 Recruit | 21. Januar 1960 | 8 min | Rhesusaf Miss Sam | suborbitale Fluch |
| Mercury-Little-Joe 5 | 2 Pollux, 4 Recruit | 8. November 1960 | 2 min | onbemannt | suborbitale Fluch, deelweis erfollegräich |
| Mercury-Little-Joe 5A | 4 Castor, 4 Recruit | 18. Mäerz 1961 | 23 min | onbemannt | suborbitale Fluch |
| Mercury-Little-Joe 5B | 4 Castor, 4 Recruit | 28. Abrëll 1961 | 5 min | onbemannt | suborbitale Fluch, deelweis erfollegräich |
Little Joe II[änneren | Quelltext änneren]
Bei där fir den Apollo-Programm vergréisserter Versioun Little Joe II ass och nees d'Recruit-Starthëllefsrakéit benotzt ginn. Als Haaptdreifwierker goufen awer amplaz vu Castor- oder Pollux-Motoren, méi grouss Algol-1D-Rakéitemotoren agesat, déi och op Scout-Rakéite waren. Am Géigesaz zum éischte Little-Joe-Programm gouf d'Startplaz op d'White Sands Missile Range verluecht, sou datt déi getest Landekapselen op festem Buedem hu misse landen.
| Konfiguratioun | Zuel vu Recruit-Rakéiten | Zuel vu buedemgezünnten Algol-1D-Rakéiten |
Zuel vun am Fluch gezünnten Algol-1D-Rakéiten |
|---|---|---|---|
| 6-1-0 | 6 | 1 | 0 |
| 4-2-0 | 4 | 2 | 0 |
| 5-2-2 | 5 | 2 | 2 |
| 0-3-3 | 0 | 3 | 3 |
Startlëscht vun der Little Joe II[änneren | Quelltext änneren]
| Missioun | Konfiguratioun | Start | Dauer | Crew | Bemierkung |
|---|---|---|---|---|---|
| QTV | 6-1-0 | 28. August 1963 | ? s | onbemannt | suborbitale Testfluch vun der Little-Joe-II-Rakéit ouni eigentlech Notzlaascht |
| A-001 | 6-1-0 | 13. Mee 1964 | ? s | onbemannt | suborbitale Fluch mat Apollo-Attrapp |
| A-002 | 4-2-0 | 8. Dezember 1964 | ? s | onbemannt | suborbitale Fluch mat Apollo-Attrapp |
| A-003 | 0-3-3 | 19. Mee 1965 | ? s | onbemannt | suborbitale Fluch mat Apollo-Attrapp |
| A-004 | 5-2-2 | 20. Januar 1966 | ? s | onbemannt | suborbitale Fluch mat vollstännegem Apollo-Raumschëff |
Um Spaweck[änneren | Quelltext änneren]
| Commons: Little Joe (rocket) – Biller, Videoen oder Audiodateien |
