Luena (Moxico)
| Luena | |
|---|---|
 D'Verwaltungsschoul zu Luena | |
| Land |  Angola
|
| Verwaltungseenheet: | Moxico |
| Koordinaten | 11° 47’ 30.48’’ S 19° 54’ 22.32’’ O |
| Fläch | ? km² |
| Awunnerzuel: | 390.707[1] (Schätzung vun 2017) |
| Héicht: | 1.350[2] m |
| Websäit | / |
| |
Luena ass eng Stad am Oste vun Angola an d'Haaptstad vun der Provënz Moxico. Wärend der portugisescher Kolonialzäit huet se Luso, respektiv Vila Luso geheescht.
Luso ass 1895 vum Lieutenant-Colonel Trigo Teixeira gegrënnt ginn a krut den 18. Mee 1956 Stad-Statut. 1975, wéi Angola onofhängeg ginn ass, krut se den neien Numm Luena, benannt no engem Waasserlaf südlech vun der Stad.[2]
Mat enger duerchschnëttlecher Altitude vun 1.350 Meter falen zu Luena ronn 1.200 mm Reen d'Joer.[2] Am Schnëtt läit d'Temperatur bei 21 Grad Celsius.[2]
2017 hunn zu Luena Schätzungen no 390.707 Awunner gewunnt, dovun 183.845 Fraen.[1] D'Stad setzt sech aus ënnerschiddlechen ethnesch-linguistesche Gruppen zesummen, dorënner Côkwe (déi gréisst Grupp), Luvale, Ovimbundu, Bundas, Luchazes a Lunda Dembo.[2]
Luena läit un der Benguelabunn tëscht Huambo am Zentrum vum Land a Luau bei der Grenz mam Kongo. De Fluchhafen vu Luena huet den IATA-Code LUO.
De laangjäregen UNITA-Leader Jonas Savimbi läit zu Luena begruewen.[3]
Biller[änneren | Quelltext änneren]
-
D'Kierch Igreja do Sacalumbo Nossa Senhora das Vitórias
-
Den Instituto Médio de Administração e Gestão
-
De Gaart vum Gouverneurspalast
-
De Fluchhafe vu Luso, dem haitege Luena, 1975
| Commons: Luena – Biller, Videoen oder Audiodateien |
Referenzen[Quelltext änneren]
- ↑ 1,0 1,1 "Projecção da População da Província do Moxico, 2014-2050", Quadro 39 - População projectada por municípios, segundo o sexo, 2017-2019, Editioun 2016, Säit 58, erofzelueden hei
- ↑ 2,0 2,1 2,2 2,3 2,4 Agëncia Angola Press: Cidade do Luena existe há 61 anos (18. Mee 2017)
- ↑ Mail & Guardian: Jonas Savimbi's tomb vandalised, says Unita (23. Januar 2008)