Lunéa

Vu Wikipedia
De Logo vun der Societéit Lunéa
De Lunéa Reseau am Joer 2007

Lunéa ass e Label vun der SNCF fir Nuetszich deen 2004 gegrënnt gouf an zanterhier eng ganz Rei vun Zuchstrecke bedreift.

Allgemenges[änneren | Quelltext änneren]

  • Zanter 2004 ginn all Joer 2 bis 3 Verbindungen ofgeschaaft, well si net méi rentabel sinn.
  • D'Lunéazich hunn e bekannte Problem a Punkto Hygiène.[1],[2],[3]. Virun allem den Alter vum Material an d'Feele vun Investitiounen an dëse Service suerge fir eng extreem Rezessioun an de Voyageurszuelen.
  • Bis 2009 huet de Service Corail Lunéa geheescht a gouf dunn aus Marketing Grënn ëmbenannt.
  • De Lunéa ass e reng franséische Service, et gëtt keng Linnen déi méi wäit féiere wéi déi éischt Gare hanner der Grenz.
  • Den Ausbau vun der Nord-Südverbindung fir den TGV huet eng Rei Lunéazich iwwerflësseg gemaach.
  • D'Zukunft vum Service gëtt dacks a Fro gestallt. E Weiderbestoen iwwer d'Joer 2012 eraus ass nach net geséchert.[4]

Linnen[änneren | Quelltext änneren]

Et ënnerscheet ee bei de Lunéa-Linnen tëscht de radialen Linnen, déi als Depart oder Arrivée ëmmer Paräis hunn an den transversale Linnen déi net zu Paräis passéieren.

Radial Linnen[änneren | Quelltext änneren]

Transversal Linnen[änneren | Quelltext änneren]

Geschicht[änneren | Quelltext änneren]

  • Ufanks hunn d'Lunéazich aus Schlofwaggonen a Couchette-Voiturë bestanen, eng Mëschung déi eppes fir all Portmonni gebueden huet.
  • Vun 2000 un, gouf ugefaangen d'Schlofwaggonen aus de Lunéazich ze sträichen, well d'Demande staark nogelooss huet an eng Rei Verbindungen huet missen ofgeschaaft ginn. Mat Couchette-Voituren, déi méi bëlleg sinn, gouf probéiert eng nei Clientell ze gewannen.
  • Enn 2007 sinn d'Schlofwaggonen dunn definitiv aus dem Verkéier gezu ginn. Als lescht Verbindunge waren se tëscht Lëtzebuerg an Nice, souwéi tëscht Paräis a Ventimiglia ënnerwee.

Quellen[änneren | Quelltext änneren]

  1. Article vum Juli 2007 aus den 20 minutes.
  2. Article vum August 2007 aus Le Nouvel Observateur.
  3. Article Juni 2007 op Tourmag.com [1].
  4. Archive copy Gearchiveerd op 2010-01-24. Gekuckt de(n) 2010-05-24.