Luxembourg City Film Festival

Vu Wikipedia
(Virugeleet vu(n) LuxFilmFest)
Op d'Navigatioun wiesselen Op d'Siche wiesselen

Luxembourg City Film Festival am Logo als Lux Film Fest ofgekierzt, ass e Filmfestival, dee vun der Stad Lëtzebuerg mat anere Partnere organiséiert gëtt.

Tëschent 2011 an 2014 war den Numm Discovery Zone - Luxembourg Filmfestival. bei deem besonnesch der Evolutioun vun der Lëtzebuerger Filmzeen, virun allem der jonker Generatioun, Rechnung ze droen, andeems op der enger Säit Filmer virgestallt a gewise ginn, an op der anerer Säit de Public d'Méiglechkeet huet, d'Filmwelt duerch Workshopen an Ateliere méi no kennen ze léieren.

Geschicht[änneren | Quelltext änneren]

2007 huet d'Stad Lëtzebuerg, zesumme mam CNA, e Festival ënner dem Numm DirActors Cut - Luxembourg City International Film Festival lancéiert, deen 2009 an DirActors International Film Festival Luxembourg City ëmbenannt gi war. Dëse Festival, dee vun der Stad Lëtzebuerg an dem CNA (via 2 Asblen) organiséiert gouf, war op Filmer spezialiséiert, bei deenen et Schauspiller sinn, déi Regie gefouert hunn.

Déi éischt Editioun war vum 10. bis den 13. Oktober 2007. Schauspiller-Regisseuren, déi um Festival dobäi waren, waren ë. a. de Guillaume Canet, d'Jane Birkin, den Dani Levy, d'Sophie Marceau, den Nils Tavernier an d'Maria de Medeiros. Bei sougenannte Carte-blanchen hu si mam Public iwwer hire Film, de Choix, selwer Filmer ze maachen, asw. diskutéiert.

Déi zweet Editioun war vum 15. bis den 19. Oktober 2008. Invitéiert waren déi Kéier de Martin Walz, d'Emmanuelle Béart, de Martin Provost, de Fabrice du Welz, den Dominique Abel an d'Fiona Gordon, de Pol Cruchten, de Luc Feit, d'Maud Linder, den Achim Von Borries, de Robin Renucci, d'Sandrine Bonnaire, d'Laetitia Colombani, d'Nicolette Krebitz, d'Marion Laine an de Safy Nebbou.[1]

Vum 15. bis den 19. Oktober 2009 war déi drëtt Editioun. Ënner den Invitéë war dës Kéier d'Carole Bouquet, de Luc Picard, de Samir Guesmi an deLionel Baier.[2]

2010 gouf et kee Festival.

2011, vum 28. Abrëll bis de 5. Mee, gouf de Festival eng éischt Kéier ënner där neier Form organiséiert. Déi zweet Editioun war vum 1. bis den 9. Mäerz 2012, déi drëtt vum 28. Februar bis den 8. Mäerz 2013 an déi véiert vum 28. Februar bis den 9. Mäerz 2014.

Déi fënneft Editioun, 2015, ënner dem neien Numm Luxembourg City Film Festival war vum de 26. Februar bis den 8. Mäerz. An der Jury waren ë. a. d'Désirée Nosbusch an de Stéphane Bern. 2016 war déi sechst Editioun, ënner dem selwechten Numm, vum 25. Februar bis de 6. Mäerz.

Den néngte Luxembourg City Film Festival fënnt vum 7. bis de 17. Mäerz 2019 statt.

Um Spaweck[änneren | Quelltext änneren]

Commons: Discovery Zone, Luxembourg City Film Festival – Biller, Videoen oder Audiodateien

Referenzen[Quelltext änneren]

  1. diractors.org
  2. diractors.org