Luxemburgerli

Vu Wikipedia
Op d'Navigatioun wiesselen Op d'Siche wiesselen
Luxemburgerli
D'Confiserie Sprüngli zu Zürich um Paradeplatz

D'Luxemburgerli, eng Spezialitéit vun der Confiserie Sprüngli zu Zürich, sinn e Macaronsgebäck, dat et an den Goûte Vanill, Karamell, Zitroun, Mokka, Schampes, Schockela, Hieselnoss a Kanéil gëtt.

D'Rezept vun de Luxemburgerli huet e jonke lëtzebuergeschen Zockerbäcker, de Camille Studer, deen an der Confiserie Namur zu Lëtzebuerg geschafft hat, zu Zürich entwéckelt. D'Basis vum Rezept war e Rezept vu franséischem Zockergebäck, dat de Camille Studer am Joer 1957 bei engem interne Concours bei Sprüngli weiderentwéckelt huet. Well hien do deen eenzege Lëtzebuerger war, hat hie vun de Kolleegen de Spëtznumm Luxemburgerli kritt, a sou ass säi Gebäck hannenno genannt ginn.

An der Confiserie Sprüngli, déi an der Tëschenzäit den Numm Luxemburgerli als Mark protegéiert huet, ginn haut all Dag eng 650 Kilo där Schneekereie fabrizéiert.

Trivia[änneren | Quelltext änneren]

D'Schwäizer Boulevard-Zeitung Blick huet den 11. September 2008 op hirer Titelsäit stoe gehat: "Luxemburgerli vernaschen Schweizer Käseköpfe". De Grond: d'Lëtzebuergesch Foussballnationalequipe hat den 10. September 2008 zu Zürich 2:1 géint d'Schwäiz gewonnen.

Literatur[änneren | Quelltext änneren]

Um Spaweck[änneren | Quelltext änneren]

Commons: Luxemburgerli – Biller, Videoen oder Audiodateien