Lycée technique d'Esch-sur-Alzette

Vu Wikipedia
Wiesselen op: Navigatioun, sichen
Stub W.svg Dësen Artikel ass eréischt just eng Skizz. Wann Dir méi iwwer dëst Thema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.
D'Haaptgebai vum LTE
D'Gebai op der Victor-Hugo-Plaz, gebaut Mëtt 1930er Joren.

De Lycée technique d'Esch-sur-Alzette, a Kuerzform LTE, ass e Lycée zu Esch-Uelzecht, dee virun allem op technesch Beruffer spezialiséiert ass.

Do kann een nieft enger Léier als Coiffer, Schräiner, Parqueteur, Mechatroniker och en Techniker an Elektronik oder Informatik maachen. Donieft bitt den LTE d'Virbereedungsklassen op den Infirmiersberuff an der Educateur un. Am Régime technique gëtt et d'Divisioun "technique générale", déi éischter fir a spéideren Ingenieursstudium vu Virdeel ass. D'Ausbildung am Commerce gëtt zu Esch vum Lycée technique de Lallange offréiert.

Neierdings gëtt d'Ausbildung an den Autosberuffer (Automechatroniker asw.) am Lycée Bel-Val gemaach.

Historique[änneren | Quelltext änneren]

1914 gouf iwwer eng Privatinitiativ zu Esch eng Beruffsschoul an d'Liewe geruff.

Déi Beruffsschoul gouf mam Gesetz vum 18. Juli 1924 iwwer d'Schafe vun enger École professionnelle zu Esch verstaatlecht.

Mam Gesetz vum 25. Mäerz 1933 krut d'Regierung d'Erlaabnes fir eng École professionnelle zu Esch-Uelzecht ze bauen. Den Terrain dofir war vun der Stad Esch zur Verfügung ze stellen. Am Schouljoer 1936/1937 goungen d'Diere vun där Schoul op der Victor-Hugo-Plaz fir déi éischt Schüler op.

D'Regierung krut mam Gesetz vum 7. August 1961 d'Erlaabnes fir d'École professionnelle de l'État d'Esch-sur-Alzette ze vergréisseren.

Duerch Gesetz vum 12. November 1975 krut d'Regierung erlaabt fir en zweet Schoulgebai fir d'École professionnelle de l'État d'Esch-sur-Alzette ze bauen. Dat Gebai gouf zu Esch-Lalleng opgeriicht an huet 1979 seng Dieren, als Annexe vum deemolegen Haaptgebai op der Victor-Hugo-Plaz, opgemaach.

Duerch groussherzoglecht Reglement vum 13. Juli 1979 gouf aus der École Professionnelle de l'Etat à Esch-sur-Alzette an dem ugeglidderte Collège d'enseignement moyen en technesche Lycée mam Numm Lycée technique d'Esch-sur-Alzette (LTE).

Am Schouljoer 1994/1995 koum d'Annexe Wobrécken mat de Klasse vum Régime préparatoire dobäi. Dee Regime war duerch e Gesetz vum 3. Juni 1994 geschaaft ginn. An deem Gebai war vum Januar 1973 un de Centre régional complémentaire fir d'7., d'8. an d'9. Schouljoer vun de Gemengen Esch-Uelzecht, Bieles, Monnerech a Schëffleng.

D'Regierung krut duerch Gesetz vum 13. Abrëll 1998 d'Erlaabnes fir Ateliere beim Centre national de formation professionnelle continue zu Esch a Somett ze bauen.

Mam Gesetz vum 29. Abrëll 1999 krut d'Regierung d'Erlaabnes fir e Schoulkomplex zu Rämerech (Esch-Uelzecht) ze bauen.

Am September 2000 ass d'Gebai mat 21 Atelieren A Somett zu Esch, wat d'Bezeechnung Aile Technique huet, a Betrib geholl ginn.

Wéi 2006 en zweete Lycée zu Esch-Uelzecht, de Lycée technique de Lallange, opgoung, gouf den LTE opgedeelt.

Am November 2004 ass de Schoulkomplex zu Raemerech, d'Haaptgebai vum LTE, opgaangen. Dat Gebai gouf den 28. Mäerz 2006 vun der Educatiounsministesch Mady Delvaux-Stehres an dem Bauteminister Claude Wiseler ageweit.

2011 gouf d'Annexe "Wobrécken" zougemaach a kuerz dono ofgerappt. D'Halschent vun de Schüler an den Enseignante vum Régime préparatoire koum an d'Haaptgebai vum LTE, déi aner Halschent gouf vum neie Lycée Bel-Val iwwerholl.

Direkteren[änneren | Quelltext änneren]

Gebaier vum LTE[änneren | Quelltext änneren]

  • Haaptgebai Op Sommet op Raemerech
  • Aile Technique, 28, rue Henri Koch
  • Bâtiment C, 11, Avenue de la Paix, op Wobrécken


Kuckt och[änneren | Quelltext änneren]

Um Spaweck[änneren | Quelltext änneren]