Mémorial

Vu Wikipedia
Wiesselen op: Navigatioun, sichen

De Mémorial - Journal Officiel du Grand-Duché de Luxembourg ass eng Lëtzebuerger Publikatioun, an där Gesetzestexter a Reglementer verëffentlecht ginn. An der Regel triede se 3 Deeg no hirer Publikatioun a Kraaft. Am Arrêté royal vum 22. Oktober 1842 gouf festgehalen, wéi dëst genee sollt goen. 1961, duerch e Règlement grand-ducal vum 9. Januar, gouf de Mémorial an 3 Deeler gespléckt, wéi mer se haut och nach kennen:

  • de Mémorial A, an deem Gesetzestexer a Reglementer stinn;
  • de Mémorial B, an deem Verwaltungstexter, Circulairen, Avisen a soss amtlech Informatioune stinn;
  • de Mémorial C, an deem Gesellschaften, Associatiounen, Stëftungen an Asbl-en hir Statute verëffentleche mussen, bei kommerzielle Gesellschaften och d'Nimm vun den Administrateuren, dem Gerant, den Associéen, asw.
Zanter dem 1. Juni 2016 gëtt de Mémorial C mat enger Lëscht vu Publikatiounen ersat déi op der Websäit vum Handelsregëster disponibel ass.

Bis zum Zweete Weltkrich war de Mémorial zweesproocheg Franséisch-Däitsch, duerno just nach op Franséisch.

Zanter dem 1. Januar 2017 gëtt de Mémorial net méi a gedréckter Form, mee just nach am Internet, op legilux.public.lu, publizéiert.

Kuckt och[änneren | Quelltext änneren]

Um Spaweck[änneren | Quelltext änneren]