Michel Majerus

Vu Wikipedia
Michel Majerus
Gebuer 9. Juni 1967
Esch-Uelzecht
Gestuerwen 6. November 2002
Nidderaanwen
Nationalitéit Lëtzebuerg, Däitschland
Educatioun Konschtakademie vu Stuttgart
Aktivitéit Moler, Kënschtler, Sculpteur

De Michel Majerus, gebuer den 9. Juni 1967 zu Esch-Uelzecht, a gestuerwen de 6. November 2002 beim Luxair-Fligeraccident bei Nidderaanwen, war e lëtzebuergesche Kënschtler. Hie gouf bekannt duerch seng Molerei a seng Installatiounen, déi sech deelweis um Pop-Art an um Minimal Art inspiréiert hunn.

Hien huet zu Stuttgart Konscht studéiert an duerno haaptsächlech zu Berlin, mä och zu Los Angeles gelieft.

Tëscht 2005 an 2007 hunn d'Kunsthaus Graz, de Stedelijk Museum Amsterdam, d'Kestnergesellschaft Hannover, d'Hamburger Deichtorhallen an de Mudam eng grouss Retrospektiv organiséiert.

Vum 26. November 2011 bis den 9. Abrëll 2012 huet de Kunstmuseum Stuttgart iwwer 100 Wierker vum Michel Majerus gewisen. Ënner deene Wierker ass eng méi wéi 100 Meter laang Wandmolerei mam Schrëftzuch:

ONEBYWHICHYOUGOIN ONEBYWHICHYOUGOOUT

déi mat der Ënnerstëtzung vum Serge de Waha genee no de Spezifikatioune vum Michel Majerus ausgeféiert gouf.

2022-23, am Kader vum 20. Joresdag vu sengem Doud, goufen an Däitschland an zu Lëtzebuerg ënner dem Label michel majerus 2022 an 19 verschiddene Muséeën a Galerien allkéiers een Aspekt vu senge Schafensperiode gewisen[1].

Zu Suessem, am Quartier Belval-Sud, gouf d'Avenue Michel-Majerus no him genannt.

Wierker[änneren | Quelltext änneren]

  • Kollektioun Mudam:
    • Untitled (Violet), 1997, Acryl op Léngen, 300 × 320 cm
    • Running in Cycles, 2001, faarweg Serigraphie op PVC, 500 × 750 cm
    • Halbzeit, 2002, Acryl op Léngen, 220 × 200 cm

Eenzelausstellungen (Auswiel)[änneren | Quelltext änneren]

  • 1994 gemälde, neugerriemschneider, Berlin
  • 1996 Kunsthalle Basel, Basel; Galerie Monika Sprüth, Köln
  • 1997 qualified, Galerie Gio Marconi, Mailand
  • 1999 Thai-Ming, Galerie Asprey Jacques, London
  • 2000 if we're dead, so it is, Kölnischer Kunstverein, Köln
  • 2001 Galerie Eleni Koroneou, Athen
  • 2002 controlling the moonlight maze, neugerriemschneider, Berlin; Sozialpalast, Brandenburger Tor, Berlin (mit Thomas Bayerle); Leuchtland, Galerie Friedrich Petzel, New York; The space is where you'll find it, Delfina, London
  • 2003 pop reloaded, Hamburger Bahnhof, Berlin
  • 2004 pop reloaded, Tate Liverpool, Liverpool
  • 2005 what looks good today may not look good tomorrow, Kunsthaus Graz, Graz; Stedelijk Museum, Amsterdam; Kestner Gesellschaft, Hannover; Deichtorhallen, Hamburg
  • 2006 what looks good today may not look good tomorrow, Musée d'Art Moderne Luxemburg
  • 2011/2012 Michel Majerus, Kunstmuseum Stuttgart

Literatur[änneren | Quelltext änneren]

  • Michel Majerus, Hrsg. Kunsthalle Basel, Basel 1996
  • Michel Majerus: Los Angeles, Hrsg. Jörg Jäger, Köln 2004
  • Painting Pictures – Malerei und Medien im digitalen Zeitalter, Kunstmuseum Wolfsburg, Bielefeld 2005
  • what looks good today may not look good tomorrow, Hrsg. Kunsthaus Graz, Stedelijk Museum, Amsterdam, Deichtorhallen Hamburg, Kestner-Gesellschaft, Hannover; Musée d'Art Moderne Luxemburg; Köln 2005
  • Peter Pakesch, Gijs van Tuyl, Robert Fleck, Veit Görner, Marie-Claude Beaud (ed.): Michel Majerus. Installationen 92-02. Verlag der Buchhandlung Walther König, Köln 2006.
  • if we are dead, so it is, Zürich 2007
  • Paul Dell: Michel Majerus' progressive aesthetics. Luxemburg 2013, ISBN 978-2-87963-938-3.
  • Michel Majerus Estate, Brigitte Franzen: Michel Majerus: Notizen, Notes 1995, Editioun Walther König, Köln 2018, ISBN 978-3-96098-332-3

Kuckt och[änneren | Quelltext änneren]

Um Spaweck[änneren | Quelltext änneren]

Commons: Michel Majerus – Biller, Videoen oder Audiodateien

Referenzen[Quelltext änneren]

  1. michelmajerus2022.com, gekuckt 2022-10-31.