Ministère de l'énergie et de l'aménagement du territoire

Dëse Politiksartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Ministère de l'énergie et de l'aménagement du territoire

Ministère fir Energie a Landesplanung
Land	Lëtzebuerg
Minister	Claude Turmes
Leedung	Claude Turmes
Verwaltungssëtz	Lëtzebuerg
Adress	4, place de l'Europe L-1499 Lëtzebuerg
Ënnersteet der/dem	Lëtzebuerger Regierung
Gegrënnt	5 Dezember 2018
Um Spaweck	https://mea.gouvernement.lu/fr.html, https://mea.gouvernement.lu/de.html, https://mea.gouvernement.lu/en.html, https://mea.gouvernement.lu/lb.html

De Ministère fir Energie a Landesplanung, dacks just Energieministère genannt, offiziell Ministère de l'énergie et de l'aménagement du territoire ass e Ministère zu Lëtzebuerg. E koordinéiert engersäits d'Energiepolitik vum Land a verfollegt haaptsächlech d'Ziler fir eng nohalteg energeetesch Versuergung sécherzestellen an en iwwerwaacht anersäits d'Koordinatioun vun de kommunalen, interkommunalen, nationalen an internationale Fachpoliticken, déi eng Auswierkung op d'Landesentwécklung hunn. En observéiert och de Suivi vun der raimlecher Entwécklung.

Allgemenges

Den Energie-Departement ass zoustänneg fir eng sécher Versuergung a follgende Beräicher bäizebehalen an ze stäerken:

• Stroum,
• Äerdgas,
• Fest a flësseg Brennstoffer,
• Erneierbar Energien,
• Energieeffizienz an Energiespuermesuren,
• Europäesch Politik an international Relatiounen,
• Promotioun vun den Aktivitéiten an den energeeteschen Technologien,
• Myenergy.

Déi eenzel Aktivitéitsberäicher vum Departement fir Landesplanung begräifen ë. a.:

• raimlech Strategien,
• verbindlech Pläng,
• stättesch a regional Entwécklung,
• Naturparken,
• grenziwwergräifend Landesplanung,
• europäesch territorial Zesummenaarbecht,
• international Landesplanungspolitik.

Kompetenz vum Ministère

D'Servicer a Verwaltungen déi ënnert d'Kompetenz vum Energieministère falen, sinn am Arrêté grand-ducal vum 28. Mee 2019 festgehalen. Dozou gehéieren ë. a.:

• Encevo,

• Enovos,

• Creos,

• SEO,

• de Groupement d'intérêt économique myenergy,

• d'Naturparken.

Kuckt och

• Regierung (Lëtzebuerg)

• Lëscht vun de lëtzebuergeschen Energieministeren

Um Spaweck

Commons: Ministère de l'énergie et de l'aménagement du territoire – Biller, Videoen oder Audiodateien

• De Ministère op gouvernement.lu, der Websäit vun der Regierung