Mohamed Ben Abdallah Dionne

Vu Wikipedia
(Virugeleet vu(n) Mohamed Dionne)
Op d'Navigatioun wiesselen Op d'Siche wiesselen

De Mohamed Ben Abdallah Dionne, gebuer den 22. September 1959 zu Gossas, Region Fatick),[1] ass ee senegalesesche Politiker. Hien ass zanter dem Juli 2014 Ministerpresident vum Senegal.

Den Dionne ass Informatiker, an huet fir IBM, bei der Westafrikanescher Zentralbank geschafft, a war Expert fir de Maghreb bei der UNCTAD. Ausserdeem war hie senegaleseschen Ambassadeur fir ekonomesch Froen zu Paräis an huet, ier e Ministerpresident gouf, fir d'Organisatioun vun de Vereenten Natioune fir industriell Entwécklung geschafft.

Den Dione war de Chef-de-Cabinet vum aktuelle President Macky Sall, wéi dee Ministerpresident war. Am Mäerz 2014 gouf den Dionne Minster fir d'Ëmsetzung vum senegaleseschen Entwécklungsplang (SEP). No der Néierlag vun der Regierungspartei APR bei de Kommunalwahlen zu Dakar huet de President Sall de 4. Juli 2014 d'Ministerpresidentin Aminata Touré entlooss[2][3] an zwéin Deeg drop den Dionne zum Regierungschef ernannt.[4]

Um Spaweck[änneren | Quelltext änneren]

Referenzen[Quelltext änneren]

  1. James Barma: "Sénégal: Mohamed Dionne nommé Premier ministre par Macky Sall." Le Point Afrique, 2014-07-07.
  2. ""Senegal dismisses PM Toure after she loses Dakar vote". Deutsche Welle, 2014-07-12.
  3. ""Regierungschefin tritt nach Wahlschlappe zurück." nzz.ch, 2014-07-12.
  4. Gouvernement du Senegal: "Mahammed Boun Abdallah DIONNE nouveau Premier ministre." 2014-07-06.