Monument vun der 35. Infantriedivisioun

Vu Wikipedia
Op d'Navigatioun wiesselen Op d'Siche wiesselen
Geographesch Koordinaten:
D'Monument am Oktober 2009

D'Monument vun der 35. Infantriedivisioun steet an der der belscher Provënz Lëtzebuerg op enger Kopp tëscht den Uertschafte Lutremange a Villers-la-Bonne-Eau.

D'Monument erënnert un déi amerikanesch Zaldote vun der 35. Infantriedivisioun déi op där Plaz am Zweete Weltkrich, an der Zäit vun der Ardennenoffensiv gefall sinn.

Op der Plaz vum Monument dat am Agank vun engem klenge Bësch steet, sinn d'Iwwereschter vun engem Bunker ze gesinn, op deem senger Mauer, op zwou Placken d'Nimm vun de gefalenen Zaldoten agravéiert sinn. Op engem Panneau, mat Fotoen a mat enger Beschreiwung vun den Evenementer, kann e sech iwwer d'Truppebewegungen informéieren. D'Kämpf an der Géigend vu Lutremange ginn als déi häertst aus der Ardennenoffensiv ugesinn.