Mospigelung
 |
Dësen Artikel gehéiert zur Serie vun de Medezinartikelen. Dës Informatioune si fir eng allgemeng Weiderbildung geduecht, mä ersetzen op kee Fall en Dokter oder Apdikter! Och d'Éischt-Hëllef-Rotschléi kënnen op kee Fall mat engem richtegen Éischt-Hëllef-Cours gläichgesat ginn! |
Eng Mospigelung oder Gastroskopie ass e medezineschen Agrëff, bei deem en dënne, flexibele Schlauch mat enger Kamera an enger Luucht (de Gastroskop, e spezialiséierten Endoskop), duerch de Mond an d'Speiseröre, de Mo an en Deel vum Zwieleffangerdaarm agefouert gëtt.[1]
Deen Agrëff déngt dozou, Entzündungen, Schwieren, Tumoren oder aner Verännerunge vun der Schläimhaut ze erkennen. E gëtt meeschtens ambulant duerchgefouert, an der Reegel bleift de Gastroskop nëmmen tëscht 5 an 10 Minutten am Kierper.[2][3] Virun der Mospigelung gëtt d'Strass dacks mat engem Spray behandelt, fir de Wiergreiz ze reduzéieren.[4]
Duerch de Schlauch vum Gastroskop kann den Dokter och eng kleng Zaang an de Kierper vum Patient aféieren, fir eng Tissusprouf ze huelen; dat deet net wéi. Duerch dee Schlauch kënnen och Loft a Flëssegkeeten ofgesaugt ginn. Am Fall vu Bluddungen oder bestëmmte Krankheete kann den Dokter mathëllef vum Gastroskop och direkt intervenéieren a behandelen.[1]
Virum Agrëff däerf de Patient op d'mannst aacht Stonne laang näischt iessen an drénken.[4][5]
No der Ënnersichung kann et zu liichten Nieweneffekter kommen, wéi Halswéi, déi meescht awer séier verschwannen.[4]
Kuckt och
[änneren | Quelltext änneren]Um Spaweck
[änneren | Quelltext änneren] |
Commons: Mospigelung – Biller, Videoen oder Audiodateien |
Referenzen
[Quelltext änneren]- 1 2 (de) Institut für Qualität und Wirtschaftlichkeit im Gesundheitswesen (IQWiG), Was passiert bei einer Magenspiegelung (Gastroskopie)?. gesundheitsinformation.de (3. September 2025). Gekuckt den 20. Mäerz 2026.
- ↑ (de) Dr. Jochen Maul, Magenspiegelung: Vorbereitung und Ablauf einer Gastroskopie. ndr.de (10. Januar 2025). Gekuckt den 21. Mäerz 2026.
- ↑ (de) Vorbereitung Magenspiegelung (Gastroskopie). gastroenterologie-goch.de. Gekuckt den 21. Mäerz 2026.
- 1 2 3 (de) Sebastian Fiebiger Sebastian Fiebiger, Magenspiegelung: Vorbereitung, Ablauf, Dauer und Risiken. Medizin+ (28. September 2025). Gekuckt den 20. Mäerz 2026.
- ↑ (de) Magenspiegelung: Was passiert bei einer Gastroskopie?. aok.de (21. August 2023). Gekuckt den 20. Mäerz 2026.