Musculus biceps brachii

Dësen Artikel beschäftegt sech mat dem Muskel am Ueweraarm. Fir fir de Muskel am Been, kuckt wgl. Musculus biceps femoris.

De Bizeps am Kierper vum Mënsch.

Musculus biceps brachii ass déi laténgesch Bezeechnung fir e Muskel am Aarm vum Mënsch, respektiv an der ieweschter oder der viischter Extremitéit vu villen anere Wierbeldéieren. Beim Mënsch gëtt en am alldeegleche Sproochgebrauch just Bizeps genannt. Et gëtt awer nach e weidere Muskel mat engem änlechen Numm am Been – de Musculus biceps femoris.

Beschreiwung a Funktioun

De Bizeps ass wuel ee vun de bekanntste Muskelen am mënschleche Kierper, well seng Beweegung ënnert der Haut däitlech siichtbar ass. En huet zwee Muskelkäpp, de Caput longum an de Caput breve. Beim Mënsch entsprange si op ënnerschiddleche Plaze vum Schëllerblat. E geet um Ielebou op en Enn.

Seng Haaptfunktioun ass et, den Ielebou ze béien, wouduerch den Ënneraarm bei d'Schëller gefouert gëtt. De Bizeps hëlleft och, d'Handfläch ze dréinen an den Aarm no vir ze hiewen.

Bei den Déieren op véier Patten ass de Musculus biceps brachii fir d'Béie vum Ielebou vun de viischte Bee responsabel. Bei de Vullen iwwerhëlt de Biceps brachii eng aner Roll wéi beim Mënsch, well hir Flilleken anescht opgebaut si wéi d'Äerm. En hëlleft, d'Ielebougelenk ze béien an de Flillek wärend dem Fluch ze stabiliséieren.

Biller

• 
  E Beispill vun engem hallef-kontraktéierten...
• 
  ... an engem vollstänneg ugespaante mënschleche Bizeps.
• 
  Animatioun vum Bizeps um mënschleche Skelett.
• 
  Animatioun mat der Kontraktioun an der Dekontraktioun vum Bizeps beim Mënsch.
• 
  Déi selwecht Animatioun mat Bizeps an Trizeps.
• 
  Illustratioun mam viischte Been vun engem Hond an dem Biceps brachii.

Kuckt och

• Musculus triceps brachii (Trizeps)

Um Spaweck

Commons: Musculus biceps brachii – Biller, Videoen oder Audiodateien