Neimillen (Sandweiler)
 |
Dësen Artikel beschäftegt sech mat der Neimille bei Sanddweiler. Fir aner Plaze mat deem Numm, kuckt wgl. Neimillen. |
| Neimillen | |
|---|---|
 D'Fiichtgebitt vun der Neimillen | |
| An anere Sproochen |
fr: Neumühle de: Neumühle |
| Land | Lëtzebuerg |
| Kanton | Lëtzebuerg |
| Gemeng |
 Sandweiler |
| Buergermeeschter | Claude Mousel (DP) |
| Koordinaten | 49°37'11,140"N, 6°14'6,943"O |
|
 | |
D'Neimillen (op Däitsch a Franséisch: Neumühle) ass e Lieu-dit an der Gemeng Sandweiler.
Geographie
[änneren | Quelltext änneren]D'Neimillen läit am Dall vun der Bireler Baach an der Gemeng Sandweiler eng ronn 1,5 Kilometer ëstlech vum Sandweiler Duerfkär, laanscht den CR185 an d'Bireler Baach. D'Areal gehéiert zum Naturschutzgebitt Birelergronn, net wäit vun der Grenz mat der Gemeng Schëtter an dem Lieu-dit Neihaischen.
Etymologie
[änneren | Quelltext änneren]Den Numm vum Lieu-dit geet op eng fréier Waassermillen zeréck.
D'Neimillen, oder och nach Wollefsmille genannt, gouf eng éischt Kéier am 14. Joerhonnert ernimmt. Se huet der Mënsterabtei gehéiert. Mat hirem virgelagertem Milleweier war si déi bedeitendst Millen aus dem Dall.
Nodeems d'Millen opgi gi war, huet de Staat se 1981 opkaaft an se an de Joren dono ofrappe gelooss. De Weier ass lues a lues zu engem groussen Deel ausgedréchent. Duerch déi deelweis Ausdréchnung huet sech e wäertvollt Fiichtgebitt mat enger grousser ekologescher Bedeitung entwéckelt.
Natur
[änneren | Quelltext änneren]D'Neimillen ass e wichtegt Fiichtgebitt am Naturschutzgebitt Birelergronn. D'Fiichtwiss mat hire Quellen a Baache sinn en ekologesch wäertvolle Liewensraum. An deem Gebitt leie Quellen, déi als Drénkwaasser fir Sandweiler fir d'Stad Lëtzebuerg gefaasst goufen.