Tierkesch Republik Nordzypern

Tierkesch Republik Nordzypern
Tierkesch Republik Nordzypern
	; Fändel ; Wopen
	Lag vum Land
Allgemeng Informatiounen
Offiziell Sprooch	Tierkesch
Haaptstad	Nord-Nikosia
Koordinate vun der Haaptstad	35° 11’ 24’’ N; 33° 21’ 49’’ E
Staatsform	Presidentielle Regierungssystem
Staatsleedung
President vun Nordzypern	Tufan Erhürman
Premierminister vun Nordzypern	Ünal Üstel
Geographie a Bevëlkerung
Fläch	3.355,0 km²
Bevëlkerung	476.214 (2023)
Bevëlkerungsdicht	112 Awunner/km²
Geschicht a Staatssymboler
Nationalfeierdag	15. November
Nationalhymn	İstiklâl Marşı
Praktesch Informatiounen
Wärung	Tierkesch Lira (TRY)
Zäitzon	UTC +2
Internationalen Telefonsprefix	+90

D'Tierkesch Republik Nordzypern, kuerz Nordzypern, Tierkesch: Kuzey Kıbrıs Türk Cumhuriyeti (KKTC), ass en De facto-Regimm am Norde vun der Mëttelmierinsel Zypern, dee vun der internationaler Staatecommunautéit (mat Ausnam vun der Tierkei) net als Staat unerkannt gëtt. De jure gehéiert den Territoire zu der Republik Zypern, där hir Regierung zanter 1963 just nach aus zypriotesch Griiche besteet an – zanter datt den Norde vun der Insel 1974 vun der Tierkescher Arméi besat gouf – keng Autoritéit méi iwwer dësen Territoire huet.

D'Haaptstad vun der Tierkescher Republik Nordzypern ass Nord-Nikosia, den nërdlechen Deel vun Nikosia (Lefkoşa).

D'Bevëlkerung besteet op der enger Säit aus tierkeschen Zyprioten, déi zanter Joerhonnerten op der Insel liewen an an der Suite vum Zypern-Konflikt zu engem groussen Deel aus hiren Heemechtsuertschaften am Süden dohin hu misse plënneren, an op der anerer Säit aus Tierken, déi zanter 1974 vum tierkesche Festland, besonnesch aus Anatolien, dohi koumen.

Déi meescht zypriotesch Griichen, déi am Norde gewunnt hunn, sinn 1974 vun do verdriwwe ginn.

2014 gouf et eng Vollekszielung, no där et an der Tierkescher Republik Nordzypern 313.626 Awunner gouf. Fir 2023 gouf d'Populatioun op 476.214 Awunner geschat.

Politik

De Staatspresident gëtt fir 5 Joer direkt vum Vollek gewielt. D'Parlament vun der Republik (Cumhuriyet Meclisi) huet 50 Sëtz a gëtt och fir 5 Joer gewielt.

Administrativ Andeelung

Et gëtt 5 Distrikter (İlçe):

Um Spaweck

Commons: Tierkesch Republik Nordzypern – Biller, Videoen oder Audiodateien

(de) Zypern Times