Observatoire vun Ondřejov

Vu Wikipedia
(Virugeleet vu(n) Observatoire Ondřejov)
Op d'Navigatioun wiesselen Op d'Siche wiesselen
Observatoire vun Ondřejov
Ondřejov Astron Observ DSCN0564.JPG
Historescht Gebai vum Observatoire
MPC-Code 557
Instrumenter
Geographesch Situatioun
Land Tschechesch Republik
Plaz Ondřejov
Koordinaten 49°54'54,63"N, 14°46'51,58"O
Héicht 500 m
2-m-PCC-Teleskop vum Observatoire Ondřejov op enger Stëtzmontéierung nom Jensch

Den Observatoire vun Ondřejov (tschechesch Hvězdárna Ondřejov), deen 1906 a Betrib goung, gehéiert zum Astronomeschen Institut vun der Akademie vun de Wëssenschafte vun der Tschechescher Republik. D'Institut gouf ëm 1750 vu Wëssenschafter vum Jesuitenuerde fir d'Prager Universitéit gegrënnt. Den Observatoire steet an der Uertschaft Ondřejov 35 km südlech vu Prag.

1898 hat den Industriellen an Amateurastronom Jan Josef Frič e Grondstéck um Bierg Manda zu Ondřejov kaf, op deem hie mam Bau vun engem Observatoire ugefaangen hat. Aacht Joer hat et gedauert, bis den Terain planéiert war, déi noutwendeg Gebaier gebaut an all d'Instrumenter installéiert waren. D'Baupläng hat den Architekt Josef Fanta geliwwert. Déi éischt wëssenschaftlech Observatioune goufen an der Nuecht vum 31. Juli op den 1. August 1906 vum Frič gemaach. 1928 huet de Jan Josef Frič den Observatoire der Karls-Universitéit zu Prag geschenkt.

E gouf awer vum staatlechen Observatoire dirigéiert, a wéi 1953/54 d'tschechesch Akademie vun de Wëssenschaften hiren astronomeschen Institut gegrënnt hat, goufe mat engem Dekret den 1. Januar 1954 déi béid Observatoiren zesummegefouert. Den éischten Direkter gouf de Bohumil Šternberk, dee virum Krich um Observatoire Berlin geschafft hat.

Den Observatoire vun Ondřejov gouf ënner senger Leedung e puermol vergréissert. Zanter 1967 ass hiert Haaptinstrument e Cassegrain-Teleskop mat 2 Meter Ëffnung. Et gouf vum deemolege VEB Carl Zeiss Jena entwéckelt a gebaut. Wéinst den dräifachen Observatiounsméiglechkeeten am Primär-, Cassegrain- a Coudé-Fokus gouf et als 2-m-PCC-Teleskop bezeechent. Ufanks der 1980er Jore gouf e Gebai vum kosmesche Laboratoire a Betrib geholl.

Haut huet den Observatoire en etlech Departementer, dorënner fir Sonnen- a Stärefuerschung, interplanetar Matière, Galaxien a Planéitesystemer, Dynamik vun de Satellittebeweegungen, souwéi en Zentrum fir Astrophysik.

Kuckt och[änneren | Quelltext änneren]

Saturn 01.svg Portal Astronomie

Um Spaweck[änneren | Quelltext änneren]

Commons: Observatoire Ondřejov – Biller, Videoen oder Audiodateien

7