Omar N. Bradley

Omar N. Bradley
Omar N. Bradley
Gebuer	12. Februar 1893; Moberly
Gestuerwen	8. Abrëll 1981; New York
Alter	88 Joer
Nationalitéit	USA
Educatioun	Command and General Staff College,; United States Military Academy,; United States Army War College
Aktivitéit	Offizéier, offiziell
Auszeechnungen	Legionnaire vun der Legion of Merit, Presidential Medal of Freedom, Silver Star, Distinguished Service Medal, Medal Zwycięstwa, Order of the British Empire, Croix de Guerre (Frankräich), Croix de Guerre (Lëtzebuerg)
Famill
Bestuet mat	Kitty Buhler

Omar Bradley ass eng Weiderleedung op dës Säit. Fir aner Bedeitunge vun deem Numm, kuckt wgl. ënner Omar Bradley (Homonymie)

Den Omar Nelson Bradley, gebuer den 12. Februar 1893 zu Clark, am Missouri, a gestuerwen den 8. Abrëll 1981 zu New York City, war en héije Offizéier vun der United States Army wärend an nom Zweete Weltkrich, a krut de Rang vum General of the Army. Hie war den éischte Chairman of Joint Chiefs of Staff an huet d'Politik vum US-Militär am Koreakrich iwwerwaacht.

Hien ass am Missouri gebuer an huet ufanks als Kesselbauer geschafft, ier en op d'United States Military Academy zu West Point koum. 1915 huet hien zesumme mam Dwight D. Eisenhower säin Ofschloss vun der Akademie gemaach, als Absolvent vun der "Klass, op déi d'Stäre gefall sinn". Wärend dem Éischte Weltkrich huet hien d'Kofferminnen am Montana bewaacht. Nom Krich huet hien zu West Point enseignéiert an an anere Rollen geschafft, ier hien eng Poslaz am War Department ënner dem Generol George Marshall ugeholl huet. 1941 gouf hie Kommandant vun der United States Army Infantry School.

Nom Bäitrëtt vun den USA an den Zweete Weltkrich huet hien d'Transformatioun vun der 82. Infanteriedivisioun an déi déi éischt amerikanesch Loftlandedivisioun iwwerwaacht. Hie krut säin éischte Kommando un der Front an der Operation Torch, wou hien ënner dem Generol George S. Patton an Nordafrika gedéngt huet. Nodeems de Patton nei zougewise gouf, huet de Bradley d'II. Corps an der Tunesien-Campagne a bei der Alliéierten-Invasioun vu Sizilien kommandéiert. Hie war Kommandant vun der First Army wärend der Invasioun vun der Normandie. Nom Ausbroch aus der Normandie huet hien de Kommando vun der 12.United States Army Group iwwerholl, déi schlussendlech aus 43 Divisiounen an 1,3 Millioune Männer bestoung, déi gréisst Zuel vun amerikanesche Zaldoten, déi jee ënner engem eenzege Feldkommandant gedéngt huet.

Nom Krich huet de Bradley d'Veterans Administration geleet. Hie gouf 1948 zum Chief of Staff vun der United States Army an 1949 zum Chairman of the Joint Chiefs of Staff ernannt. 1950 gouf hien zum General of the Army ernannt, wouduerch hien dee leschte vun den néng Persounen war, déi zum Fënnef-Stäre-Rang an den United States Armed Forces ernannt goufen. Hie war den héchste Militärkommandant um Ufank vum Koreakrich an huet dem President Harry S. Truman seng Politik vum Containnment ënnerstëtzt.

De Bradley huet den aktiven Déngscht 1953 verlooss (obwuel hien déi nächst 27 Joer an "aktiver Pensioun" bliwwen ass). Hie war weiderhi bis zu sengem Doud 1981, am Alter vun 88 Joer, an ëffentlechen a geschäftleche Funktiounen aktiv.

Autobiographie

Omar N. Bradley: A Soldier’s Story. ISBN 0-375-75421-0
Omar N. Bradley, Clay Blair: A General’s Life. An Autobiography. 1983.

Gielercher (Auswiel)

Zu Märel, an der Stad Lëtzebuerg, déi ënner sengem Kommando 1944 befreit gouf, a wou d'12. Arméi hire Quartier général hat, ass eng Strooss no him genannt ginn.^[1]

Um Spaweck

Commons: Omar N. Bradley – Biller, Videoen an Audiodateien

Referenzen

↑ L-1279; Lokaliséierung vun der Rue Général Omar N. Bradley op geoportail.lu.

[1] L-1279; Lokaliséierung vun der Rue Général Omar N. Bradley op geoportail.lu.

[1]