Péitrus a Paulus-Kierch Iechternach

Vu Wikipedia
Wiesselen op: Navigatioun, sichen
Péitrus a Paulus-Kierch
zu Iechternach
D'Kierch vum Hl. Péitrus a Paulus
Uertschaft Iechternach
Par Iechternach
Numm / Patréiner Hl. Péitrus a Paulus
Konsekratiounsjoer -
Parverband Iechternach
Architekt(en) -
Kierchen - Kapellen

D'Péitrus a Paulus-Kierch zu Iechternach ass eng kathoulesch Kierch déi zur Par Iechternach, zum Parverband Iechternach, zu der Pastoralregioun Osten, zum Dekanat Iechternach an zu der Gemeng Iechternach gehéiert. Responsabel ass den Dechen Théophile Walin vun Iechternach.

Se steet am nordëstlechen Deel vun Iechternach an der rue de la Montagne.

D'Péitrus-a-Paulus-Kierch gouf den 28. Dezember 1961 op der Lëscht vun de klasséierte Monumenter als nationaalt Monument agedroen.

Zur Par Iechternach gehéieren ausser der Péitrus a Paulus-Kierch vun Iechternach och nach d'Basilika vun Iechternach, d'Muttergotteskapell vun Iechternach an d'Kräizkapell vun Iechternach.

Geschicht[änneren | Quelltext änneren]

Et ass déi ursprénglech Parkierch vun Iechternach. Se staamt ongeféier aus dem Joer 1000 an ass dofir am romanesche Stil gebaut. No engem Feier am 15. Joerhonnert ass se am spéitgotesche Stil ëmgebaut ginn. Am 18. Joerhonnert huet e polygonale Chouer de romaneschen ersat. Am Chouer sinn nach Fresken ze gesinn. D'Fënstere si vum François Gillen. Am Kiercheschëff ass en Ofgoss vun enger Kräizegungsgrupp déi 1503 am lëtzebuergesche Atelier Clais hiergestallt gouf (den Original ass momentan zu Réiser). Am Nordtuerm steet e Sarkophag aus dem 17. Joerhonnert mat enger Figur vum hl. Willibrord, dee läit; an dësem Sarkophag goufe bis 1906 d'Reliquie vum Willibrord versuergt, déi elo an der Basilika ënnerbruecht sinn.

Literatur[änneren | Quelltext änneren]

  • Wegführer zu luxemburgischen Kirchen und Kapellen, Office national du tourisme, 1995

Kuckt och[änneren | Quelltext änneren]

Um Spaweck[änneren | Quelltext änneren]

Commons: Péitrus a Paulus-Kierch Iechternach – Biller, Videoen oder Audiodateien

Biller[änneren | Quelltext änneren]