Péitruss

Vu Wikipedia
Wiesselen op: Navigatioun, sichen
Péitruss
Helfent, Péitruss km 5,5.JPG
D'Péitruss op der Helfenterbréck
Längt 12,7 km
Hydrographesche Baseng Rhäin
Origine
Quell/Zesummelaf Quell
Plaz Dippecherbësch
Gemeng Dippech
Héicht 345 m
Koordinaten 49° 35’ 53’’ N
     05° 59’ 34.9’’ O
Konfluenz
Leeft an d'Uelzecht
Plaz Gronn
Héicht 245 m
Koordinaten 49° 36’ 27.1’’ N
     06° 08’ 14.4’’ O
Haaptnieweflëss Grouf, Aalbaach, Zéissengerbaach.
Geographie
Land Flag of Luxembourg.svg Lëtzebuerg
Uertschaften Bartreng, Märel, Hollerech, Gronn
D'Péitruss ënner der Aler Bréck

D'Péitruss ass eng Baach an de Gemenge Stad Lëtzebuerg, Bartreng an Dippech. Si huet hir Quell am Dippecherbësch op enger Héicht vun 345 Meter a leeft vu do un no Osten fir am Gronn op enger Héicht vun 245 m an d'Uelzecht ze lafen.

Si ass 12.7 km laang an hir Niewebaache sinn d'Grouf, d'Albaach an d'Zéissengerbaach.

Den Numm kënnt vum laténgesche Wuert petresa, wat op déi vill Steng hiweist, déi viraals am Laf vun der Péitruss ze fanne waren.

Vun Hollerech u fléisst d'Péitruss zanter 1933 an engem kënschtleche Bett, dat sou gebaut ass datt bei Nidderegwaasser just e Kullang mat Waasser gefëllt ass a bei Héichwaasser dat ganzt Bett. Beim Ofhuele vum Waasserspigel bleiwe keng Sedimenter leien, mä alles fléisst zréck an de Mëttelkullang a gëtt mat weidergeholl.

Et besti Pläng, fir eng 20 Milliounen Euro d'Bett ze renaturéieren an d'Uwänner mat de Weeër nei unzeleeën.[1]

Op hirem Wee duerch d'Stad leeft si duerch deen no hir genannte Péitrussdall, deen d'Uewerstad vum Garer Quartier trennt. Iwwerspaant gëtt dësen Dall vun zwou Brécken, der Aler Bréck an der Neier Bréck. Am Péitrussdall gouf 2016 de Skatepark Péitruss amenagéiert.

Nieft dem Flossbett sinn nach Reschter vun der sougenannter Bourbons-Schleis ze gesinn, déi 1728 gebaut gouf, fir den Dall iwwerschwemmen ze kënnen, am Fall wou d'Stad ugegraff géif.

Bei der Administration de la gestion de l'eau huet d'Péitruss de Code N° 555.

Fotoen[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Commons: Péitruss – Biller, Videoen oder Audiodateien

Referenzen[Quelltext änneren]

  1. Max Lemmer: "Die Petruss soll wieder natürlich werden". Luxemburger Wort Nr.303, 28. Dezember 2016, S.20.