Pierre Mendès France

Vu Wikipedia
Op d'Navigatioun wiesselen Op d'Siche wiesselen
Pierre Mendès France
Pierre Mendès-France 1932.jpg
Gebuer 11. Januar 1907
Paräis
Gestuerwen 18. Oktober 1982
Paräis
Nationalitéit Frankräich
Educatioun Universitéit vu Paräis, Lycée Louis-le-Grand
Aktivitéit Politiker, Diplomat, franséische Resistenzler
Partei Parti républicain, radical et radical-socialiste
Member vun Franséisch Liga fir Mënscherechter
Wikidata-logo-without-paddings.svg
De Pierre Mendès France (1968).

De Pierre Mendès France, gebuer den 11. Januar 1907 zu Paräis an och do, den 18. Oktober 1982, gestuerwen, war e franséische Politiker.

Vum 19. Juni 1954 bis de 5. Februar 1955 war hie Ministerpresident vun der Véierter Republik.

Hie war studéierte Jurist a Politolog a gouf 1928, mat 21 Joer, de jéngsten Affekot a Frankräich. Véier Joer drop gouf hien als jéngsten Deputéierten an d'Nationalversammlung gewielt. 1936 gouf e Staatssekretär am Finanzministère ënnert der Front populaire-Regierung vum Léon Blum.

Qsicon Ueberarbeiten.png Dëst Kapitel muss iwwerschafft ginn. Dat kann dru leien, datt Schreif- oder Tippfeeler dran ze fanne sinn, datt den Opbau net der Wikiformatéierung entsprécht oder datt den Inhalt net ganz korrekt ass oder net explizit genuch ass, sou wéi en den Ament do steet.

1947, ënner der Véierter Republik, gouf hien nees an d'Assemblée nationale gewielt. Hie war zënter 1950 e konsequente Géigner vum franséische Kolonialismus. No der franséischer Néierlag an der Schluecht vun Điện Biên Phủ géint d'Việt Minh-Truppe vum Generol Võ Nguyên Giáp ass dem Joseph Laniel seng Regierung zréckgetrueden, an de Mendès France huet eng nei Regierung gebilt an där hie selwer och Ausseminister war.

Hie war fir d'Zesummenaarbecht mat anere Staaten an Europa, war awer géint déi geplangt Europäesch Verdeedegungsgemeinschaft déi 1954 och vun enger Majoritéit vu franséische Parlamentarier verworf gouf.

Seng Regierung gouf am Februar 1955 duerch e Mësstrauensvote gestierzt. Vun 1956 bis 1957 war hien am Guy Mollet senger Regierung Minister ouni Portefeuille, ass dunn awer wéinst enger Kontrovers iwwer Algerien zréckgetrueden.

1958 huet hie sech géint den De Gaulle a säi Projet vun enger Fënnefter Republik gewiert, deem en eng "Presidialdiktatur" virgeworf huet, mä hat kee Succès domat. 1959 gouf en aus senger Partei, dem Parti Radical Socialiste ausgeschloss[Source?].

...

Literatur[änneren | Quelltext änneren]

  • Éric Roussel, Pierre Mendès France; Paräis (Gallimard), 2007; Grand Prix de la biographie de l'Académie française.
  • Jean-Denis Bredin, Un tribunal au garde-à-vous. Le procès de Pierre Mendès France, 9 mai 1941; Paräis (Fayard), 2002.
  • Michel Mendès France, Simone Gros: Pierre Mendès France au quotidien. Editions L’Harmattan, Paris 2004, ISBN 978-2-7475-6999-6.
  • Alexander Werth: The Strange History of Pierre Mendès France and the Great Conflict over French North Africa. Barrie, London 1957.
  • Alain Chatriot: Pierre Mendès France. Pour une République moderne. Armand Colin, Paris 2015, ISBN 978-2-200-60319-9.

Um Spaweck[änneren | Quelltext änneren]

Commons: Pierre Mendès France – Biller, Videoen oder Audiodateien