Postgebai op der Stater Gare

Vu Wikipedia
Op d'Navigatioun wiesselen Op d'Siche wiesselen
Postgebai op der Stater Gare
Luxembourg, Poste Gare (101).jpg
De Schantje vum neie Postgebai am Mäerz 2021
Land Lëtzebuerg
Plaz Garer Quartier
Adress Place de la Gare, Stad Lëtzebuerg
Koordinaten 49° 35’ 57.1’’ N 6° 07’ 56.9’’ O
Status am Bau
Proprietär Post Luxembourg
Déi fréier Busgare an am Hannergrond den alen „Centre postal Gare“ (2016)

D'Postgebai op der Stater Gare ass e Verwaltungsgebai vun der Lëtzebuerger Post dat momentan(Abrëll 2021) am Garer Quartier vun der Stad Lëtzebuerg gebaut gëtt.

D'Gebai entsteet tëscht der Rue du Commerce am Süden, der Rue d'Épernay am Norden an der Garer Plaz am Osten an ersetzt de fréiere „Centre postal Gare“ dee vum Enn vun den 1960er Jore bis 2018 op där Plaz stoung.

Nodeems déi „al Post“ um Piquet 2018 zerguttst zougemaach gouf, ass de Siège vun der Post provisoresch an d'Mercier-Gebai an der Rue de Reims verluecht ginn. Wann dat neit Gebai 2022 fäerdeg ass, gëtt de Siège vun der Entreprise dohi verluecht; an d'Gebai kommen och d'Verwaltung vun der Post grad wéi e Clientsberäich fir Post- an Telekommunikatiounsservicer.

D'klasséiert Fassad vun der Accinauto, dem Nopeschgebai um Eck vun der Épernay-Strooss, gëtt mat an dat neit Gebai integréiert. Dat fäerdegt Gebai kritt op néng Stäck eng Bruttofläch vu 27.700 m²[1][2].

Um Spaweck[änneren | Quelltext änneren]

Commons: Postgebai op der Stater Gare – Biller, Videoen oder Audiodateien

Referenzen an Notten[Quelltext änneren]

  1. POST Luxembourg baut ihren zukünftigen Unternehmenssitz im Bahnhofsviertel der Stadt Luxemburg - News et Communiqués - POST Group. www.postgroup.lu. Gekuckt de(n) 04.04.2021.
  2. Post Luxembourg dévoile son nouveau siège. paperjam.lu. Gekuckt de(n) 04.04.2021.