President vun de Vereenegte Staaten
| President vun de Vereenegte Staate vun Amerika | |
|---|---|
| President of the United States of America | |
 Sigel vum President vun de Vereenegte Staaten | |
 Standart vum President vun de Vereenegte Staaten | |
 | |
| am Amt Donald Trump zanter dem 20. Januar 2025 | |
| Uried | The Honorable (formell) Mr. President (informell) His Excellency (diplomatesch) |
| Amtssëtz | Wäisst Haus |
| Amtszäit | 4 Joer (héchstens eng Kéier erëmgewielt) |
| Nofollger | Vizepresident |
| Stellvertrieder | Vizepresident |
| Lescht Wal | 5. November 2024 |
| Nächst Wal | 7. November 2028 |
| Schafe vum Amt | Mat der Constitutioun vun de Vereenegte Staaten de 4. Mäerz 1789 |
| Éischten am Amt | George Washington |
| Websäit | www.whitehouse.gov |
De President vun de Vereenegte Staate vun Amerika ((en) President of the United States of America), dacks als US-President gekierzt, ass engersäits de Staatschef, awer och de Regierungschef an den ieweschte Kommandant vun den Arméie vun de Vereenegte Staaten.
De President gëtt all véier Joer gewielt; zanter 1951 kann en héchstens eemol zeréckgewielt ginn.
Den aktuelle President ass zanter dem 20. Januar 2025 de Republikaner Donald Trump. Hie ass de 45. Mann an deem Amt, a gëtt als de 47. President gezielt, well déi zwou Amtszäite vum Grover Cleveland (22. a 24. President) a vum Trump (45. a 47.) net direkt hannerenee waren an dowéinst separat gezielt ginn. Et gouf nach ni eng Presidentin.
D'Wal vum President ass indirekt: d'Bierger vun den eenzele Bundesstaate stëmmen iwwer d'Walleit of, déi den Electoral College bilden. Dee wielt de President. Wa kee vun de Kandidaten eng Majoritéit kritt, dann decidéiert d'Representantenhaus, sou wéi et bei de Presidentschaftswale vun 1800 an 1824 de Fall war. Gläichzäiteg gëtt mam President e Vizepresident gewielt. Deen huet, der Constitutioun no, nëmmen d'Aufgab d'Presidence am Senat z'iwwerhuelen. Wann awer e President, wéinst Doud, Récktrëtt oder Ofsetzung, virleefeg aus dem Amt scheet, kënnt de Vizepresident fir de Rescht vun der Walperiod mat alle Rechter op seng Plaz. De President ernennt d'Ministeren ((en) Secretaries), déi zesumme mat him d'Regierung bilden. Si musse vum Senat bestätegt ginn. Änlech ass et um Ieweschte Geriichtshaff: wann eng Riichterplaz fräigëtt, da schléit de President en neie Riichter vir, dee vum Senat bestätegt muss ginn.
Kuckt och
[änneren | Quelltext änneren]Um Spaweck
[änneren | Quelltext änneren] |
Commons: Presidente vun de Vereenegte Staaten – Biller, Videoen oder Audiodateien |