Primavera (Supermarché)

Primavera
Typ	S.à.r.l.
Grënnungsdatum	1974
Land	Lëtzebuerg
Sëtz	Stad Lëtzebuerg Lëtzebuerg
Mataarbechter	45 (2024)
Produit	Supermarché
RCS	B12090
Homepage	primavera.lu

De Primavera Market op der Stater Gare

Primavera ass eng lëtzebuergesch Supermarchéschaîne, déi op eng portugisesch Konnschaft spezialiséiert ass.

Geschicht

Den éischte Primavera gouf am Mee 1974 als kleng portugisesch Epicerie vun der Koppel Rui Manuel Fernandes an Irène Fernandes an der Stater Joseph-Junck-Strooss opgemaach. Si erënnere sech net méi, firwat si dem Buttek deen Numm ginn hunn; an engem Interview 2024 huet de Rui Manuel Fernandes gesot, et kéint si wëll de Buttek am Fréijoer seng Dieren opgemaach huet ("Primavera" bedeit "Fréijoer" op Portugisesch).

Deen éischte Buttek war nëmme 60 Quadratmeter grouss. Wéinst sengem Succès ass en an e Lokal mat 1.500 Quadratmeter geplënnert, an duerno nach eng Kéier a Raimlechkeete mat bal 2.000 Quadratmeter.

Ufank 2014 huet de Primavera e klengen Akafszentrum mat Supermarché a Restaurant zu Gaasperech opgemaach, am fréiere Redaktiounsgebai vum Télécran. Zum Supermarché zielen eng Bäckerei, eng Metzlerei, e Fëschbuttek an en Traiteursservice. An de Regaler stinn eegenen Aussoen no iwwer 5.000 Produiten aus Portugal, Brasilien, dem Cap Vert a Südamerika. De Supermarché an der Joseph-Junck-Strooss gouf zougemaach an d'Galerie Kons, d'Gebai an deem e vun 1992 u war, gouf ofgerappt.

Nieft dem "Primavera Centre Commercial" zu Gaasperech gëtt et nach dräi Butteker mam Numm "Primavera Market" zu Déifferdeng, zu Réimech an an der Rue Jean-Origer op der Gare an der Stad Lëtzebuerg.

Kuckt och

• Lëscht vun de Supermarchéschaînen zu Lëtzebuerg