Projet de loi

Als Projet de loi oder Gesetzesprojet bezeechent een am Allgemengen d'Initiativrecht vun der Regierung (fr. initiative gouvernementale) fir e Virschlag fir en neit Gesetz maachen. Déi Bezeechnung gëtt et absënns zu Lëtzebuerg, a Frankräich, der Belsch oder der Schwäiz. An Däitschland schwätzt ee vun engem Regierungsentwurf an am Vereenegte Kinnekräich vun engem Government bill.

Situatioun zu Lëtzebuerg

Der Verfassung no, fält et an d'Kompetenz vun der Regierung, fir Projet-de-loien an der Chamber ze deposéieren.

„D'Regierung deposéiert Gesetzesprojete bei der Chamber.“

– Art. 76: Kapitel IV. - Sektioun 3. - D'Unhuele vun de Gesetzer

Op der enger Säit kann de Legislateur d'Regierung net zwéngen, e Gesetzesprojet ze deposéieren; d'Initiativrecht vun der Regierung kann op keng Manéier bedéngt oder limitéiert ginn. Op der anerer Säit kann d'Regierung sech net vertraglech dozou verflichten, e Gesetzesprojet net an der Chamber ze deposéieren.

An der Praxis baséiere bal all Gesetzer op engem Projet de loi, kommen deemno vun der Regierung.

Méi Informatioun doriwwer am Artikel: Legislativ Prozedur (Lëtzebuerg).

Literatur

Besch, Marc: (2026). Normes et légistique en droit public luxembourgeois. 2e éd., Windhof: Larcier-Intersentia, ISBN 978-2-49675-020-1

Kuckt och

Proposition de loi: d'Initiativrecht vun den Deputéierten
Initiativrecht vun de Bierger

Quell

Quell vum Artikel, wou net anescht uginn: Besch, an der Literatur, S. 374

Um Spaweck

Commons: Projet de loi – Biller, Videoen oder Audiodateien

Referenzen an Notten