Reynke de Vos

Vu Wikipedia
Op d'Navigatioun wiesselen Op d'Siche wiesselen
Reineke Fuchs (vum W.v.Kaulbach)

Den Déierenepos Reynke de vos dee 1498 vum Hans van Ghetelen zu Lübeck gedréckt gouf ass de bekanntsten nidderdäitschen Déierenepos a Versen.

De satireschen Epos erzielt wéi de Näischtnotz Reineke sech duerch genial Liggegeschichte beim Léiw, dem Kinnek vun den Déieren, rengwäscht a sech aus allen Uklopunkten erauszitt, a sou géint seng Gegner gewënnt.

De Reynke de vos gehéiert zu enger aler Traditioun vun der europäescher Déierenepik déi vun der latengescher « Ecbasis captivi », dem « Isengrimus » an dem « Reinardus vulpes » vum Nivardus, iwwer de franséische « Roman de Renard », den däitsche « Reinhardt Fuchs » vum Heinrich dem Gleissner bis bei den hollännesche « Reinaert de Vos » féiert.

D'Wierk war grad sou bekannt a verbreet wéi den « "Eulenspiegel" » a gouf an en etlech europäesch Sproochen iwwersat.

De Luther huet et eng "lebendige Contrafacur des Hoflebens" genannt, an de Goethe eng "unheilige Weltbibel".

Am Héichdäitschen ass d'Wierk 1544 zu Frankfurt am Main erauskomm an enger Prosaiwwersetzung vum Gottsched, op där och dem Goethe säi Reineke Fuchs vu 1752 baséiert.

Literatur[änneren | Quelltext änneren]

  • Reineke Fuchs: das niederdeutsche Epos "Reynke de vos" vu 1498. Übertragung und Nachwort vum Karl Langosch. Stuttgart: Reclam, 1967, Nodrock 1994 ISBN 3-15-008768-6
  • Amand Berteloot / Loek Geeraedts (Hrsg.): Reynke de Vos - Lübeck 1498. Zur Geschichte und Rezeption eines deutsch-niederländischen Bestsellers. Münster: Lit 1998 (Niederlande-Studien, Kleinere Schriften 5) ISBN 3-8258-3891-9
  • Hubertus Menke / Ulrich Weber (Hrsg.): Die unheilige Weltbibel: der Lübecker Reynke de Vos (1498 - 1998). Ausstellung vun der Abteilung fir Nidderdäitsch Sprooch a Literatur vun der Christian-Albrechts-Universität zu Kiel an Zusammenaarbecht mat Bibliothek der Hansestadt Lübeck an der Herzog-August-Bibliothek Wolfenbüttel 1998.

Kuckt och[änneren | Quelltext änneren]

Um Spaweck[änneren | Quelltext änneren]

Commons: Reineke Fuchs – Biller, Videoen oder Audiodateien