Rue Munster

Rue Munster
Numm	lb: Mënstergaass; fr: Rue Munster
Fréieren Numm	de: Hospizstraße
Längt	ca. 210 m
Land	Lëtzebuerg
Gemeng	Lëtzebuerg
Uertschaft	Lëtzebuerg
Quartier	Gronn
Postcode	2160
Koordinaten	49° 36’ 34.3’’ N; 06° 08’ 08.6’’ O

D'Rue Munster (am Lëtzebuerger Sproochgebrauch: Mënstergaass) ass eng Strooss am Gronn an der Stad Lëtzebuerg.

Si huet hiren Ufank Op der Schmëdd, leeft iwwer d'Grënnesch Uelzechtbréck, dréint dann a Richtung Norden a féiert weider bis bei den Agank vun Neimënster.

Geschicht

D'Gaass, déi bei dat aalt Klouschter gefouert huet, huet am 14. a 15. Joerhonnert Schelmergasse geheescht, als Uspillung dorop, datt den Henker hei gewunnt huet.^[Source?] „Schelmer“ kënnt aus dem Mëttelhéichdäitschen an housch esouvill wéi doudege Kierper^[1]. Am 17. an 18. Joerhonnert, war et d'Henkeschgaass (nach ëmmer als Uspillung op den Henker) an duerno d'Hospizstraße mat Referenz op den Hospiz am Gebai, an deem méi spéit de Fraeprisong dra war.

Méi Informatioun doriwwer am Artikel: Hospice Saint-Jean.

Den Odonym Rue Munster deen d'Strooss duerno krut, ass zeréckzeféieren op d'Benediktinerabtei Neimënster déi an der Mëtt vum 16. Joerhonnert do gegrënnt gouf.

Um Enn vum 18. Joerhonnert huet de Bäcker Adam Bastien am Haus 16 gewunnt. Wéi d'Abtei Neimënster 1796 vun de franséische Revolutionäre sekulariséiert gouf, huet hien dem Jang de Blannen seng Schanken an enger Grott hannert sengem Haus verstoppt, ier se méi spéit op Mettlach transportéiert goufen.^[2]