Saar

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Saar

D'Saarschleef bei Orscholz
Längt	246 km
Debit	78,2 m³/s
Fläch vum Anzuchsgebitt	7.431 km²
Originn
Originn	Konfluenz Rout Saar Wäiss Saar
Plaz	Hermelange
Héicht	260 m
Koordinaten	48° 40’ 36’’ N       07° 00’ 45’’ O
Konfluenz
Leeft an	Musel
Plaz	Konz
Haaptnieweflëss	Blies
Geographie
Land	Frankräich Däitschland
Regioun	Grand Est Saarland Rheinland-Pfalz

D'Saar (franséisch: Sarre) ass e Floss, deen an nërdlecher Richtung aus de Vogesen, am Elsass duerch Loutrengen an déi däitsch Bundeslänner Saarland a Rheinland-Pfalz leeft. Mat 235 Kilometer ass se de längsten Niewefloss vun der Musel; hire Baseng ëmfaasst 7.431 km² an ass domat ongeféier dräimol sou grouss wéi d'Saarland mat 2.569,69 km².

D'Saar entsteet aus dem Zesummefloss vun der Rouder Saar (Sarre rouge) an der Wäisser Saar (Sarre blanche) bei Hermelange. Si leeft da ronn 121 km duerch d'franséisch Regioun Grand Est. Tëscht Sarreguemines a Saarbrécken-Güdingen mécht s'op ongeféier 11 km déi däitsch-franséisch Grenz. Zu Sarreguemines hëlt s'och hire gréissten Niewefloss, d'Blies, op.

Duerno fléisst se ronn 68 km duerch d'Saarland, dat och säin Numm vum Floss kritt huet, an zirka 31 km duerch Rheinland-Pfalz, bis se zu Konz vu riets an d’Musel leeft.

Numm

Déi éischt schrëftlech Ernimmung vun der Saar als Saravus fënnt een am Gedicht Mosella vum réimeschen Dichter a Staatsbeamten Decimus Magnus Ausonius (310–393). Den Numm vum Floss ass vu virkelteschem Urspronk an enthält déi indoeuropäesch Wuerzel ser oder sar, wat "fléissend Waasser" bedeit.

Chaînage

Baseng	Niewewebaseng	Rang 3	Rang 4
Rhäin	Musel	Saar	Blies
			Albe
			Isch
			Biévre
			Rout Saar / Wäiss Saar

Kuckeswäertes

• Um Laf vun der Saar tëscht Dreisbach a Mettlach, läit déi bekannt Saarschleef déi ee vum Cloef bei Orscholz gutt gesi kann.
• D'UNESCO-Weltkulturierwen Völklinger Hütte läit bal direkt op der Saar.

Um Spaweck

Commons: Saar – Biller, Videoen oder Audiodateien