Schabloun:WDS 1. September

• ... den Adrien Ries (1933-1991) am Joer 1970 de Begrëff Nordstad an d'Welt gesat huet, deen den urbane Ballungsraum ëm Dikrech an Ettelbréck bezeechent?

• … déi zwou Bensinnsstatiounen op der Aire de Berchem iwwer 300 Millioune Liter Sprit am Joer verkafen?

• … de lëtzebuergeschen Ethnolog Edouard Conzemius (1892-1931) e Spezialist vun de Miskito- a Sumu-Indianer an Honduras an Nicaragua war?

• ... an der Kierch vu Bäerdref, ënner dem Haaptaltor, ee réimesche Véiergëtterstee steet, mat der Minerva, der Juno, dem Apollo an dem Herkules drop?

• ... fir de Bau vun der Adolf-Emil-Hütte (haut ArcelorMittal Esch-Belval) 1909 praktesch dee ganzen 92 ha groussen Escher Bësch ofgeholzt ginn ass?