Shakira

Shakira
Shakira
Gebuertsnumm	Shakira Isabel Mebarak Ripoll
Gebuer	2. Februar 1977; Barranquilla
Nationalitéit	Spuenien, Kolumbien
Aktivitéit	Sängerin, Schauspillerin, Choreographin, Gittaristin, Komponistin, Philanthropin, Produzentin, Synchronspriecherin, Popmusekerin, Musekerin
Auszeechnungen	MTV Video Music Awards, Chevalier des Arts et des Lettres‎, Stär um Hollywood Walk of Fame, Premios Oye!
Famill
Liewenspartner(in)	Antonio de la Rúa (1.1.2000–8.2010),; Gerard Piqué (2011–2022),; Lucien Laviscount (2026–)
Kanner	Milan Piqué Mebarak, Sasha Piqué Mebarak
Websäit	https://www.shakira.com

D'Shakira Isabel Mebarak Ripoll, bekannnt ënner hirem Mononym Shakira, gebuer den 2. Februar 1977, ass eng kolumbianesch Sängerin, Songschreiwerin, Dänzerin, Schauspillerin a Philanthropin. Hiren Impakt op déi modern latäinamerikanesch Musek an op d'Popmusek, huet hir de Spëtznumm The Queen of Latin Music abruecht.

Biographie

D'Shakira gouf mam Album Pies Descalzos (1995) bekannt, en Album mat de Singelen Estoy Aquí an Pies Descalzos, Sueños Blancos, déi si un d'Spëtzt vun de latäinamerikaneschen Charts bruecht hunn.^[1] Den Album ¿Dónde Están los Ladrones? (1998) huet hir Popularitéit a Latäinamerika gefestegt.^[2] Hiren éischten engleschen Album Laundry Service (2001) huet d'Debutsingle Whenever, Wherever ervirbruecht, déi d'Nummer Eent a villen Charts uechter d'Welt erreecht huet, an Underneath Your Clothes, mat där d'Shakira déi éischt südamerikanesch Kënschtlerin gouf, déi den Duerchbroch um Weltmaart gepackt huet^[3].

Op hirem spuenesch beaflossten Album Fijación Oral, Vol. 1 (2005) an op dem engleschen Album Oral Fixation, Vol. 2 (2005) waren Hits wéi La Tortura an Hips Don't Lie, wat déi éischt Nummer-eent-Singele vun enger südamerikanescher Fra an den amerikanesche Billboard Hot 100 Charts war.^[4] Den Album She Wolf (2009) huet Themen iwwer Fräiheet behandelt an hat Elektropop-Aflëss^[5], wärend Sale el Sol (2010) vun hirer Passioun fir latäinamerikanesch Musek inspiréiert war. Dodrop war och d'Lidd Waka Waka (This Time for Africa), den offizielle Song vun der Foussball-Weltmeeschterschaft 2010^[6]^[7].

D'Albume Shakira (2014) an El Dorado (2017) hunn Hits wéi La La La an Chantaje ervirbruecht. Den Album Las Mujeres Ya No Lloran (2024) war vun hirer rezenter Erfarung mat Scheedung a mentaler Gesondheet beaflosst an hat e Subtext vun Empowerment.^[8] Duerno huet d'Shakira eng Welttournée mam Numm Las Mujeres Ya No Lloran World Tour (2025 – 2026) gestart, déi vill Luef vun de Kritiker krut an e kommerziellen Erfolleg war, mat méi wéi 350 Milliounen Dollar Recetten.^[9]

D'Shakira ass eng vun den erfollegräichste Musekskënschtlerinne vun allen Zäiten, mat méi wéi 95 Millioune verkaafte Placke weltwäit.^[10]^[11] Si huet vill Nummer-eent-Singelen an den USA a weltwäit, véier Grammy Awards a fofzéng Latin Grammy Awards.^[12]^[13] D'Shakira gouf an d'Joreslëschte vu Forbes vun de beschtbezuelte Fraen an der Musek opgeholl.^[14] Hir villgeluefte Performance an der Super Bowl Halftime-Show 2020 (zesumme mat der Jennifer Lopez) ass eng vun de meeschtgekuckten an der Geschicht ^{[an der Geschicht vun der Musek oder an där vum American Football?]}.^[15] Nieft der Musek huet si d'Fundación Pies Descalzos fir d'Erzéiung vu Kanner a Kolumbie gegrënnt,^[16] huet der „Gazelle“ am Film Zootopia (2016) an am Sequel Zootopia 2 (2025) hir Stëmm geléint,^[17] a war vun 2013 bis 2014 Member vun der Jury an der Sendung The Voice.^[18] Si ass och – mat méi wéi 90 Millioune Follower – eng vun de Persoune mat de meeschte Follower op de soziale Medien^[19].

Discographie

Studioalbumen

Magia (1991)
Peligro (1993)
Pies Descalzos (1995)
¿Dónde Están los Ladrones? (1998)
Laundry Service (2001)
Fijación Oral, Vol. 1 (2005)
Oral Fixation, Vol. 2 (2005)
She Wolf (2009)
Sale el Sol (2010)
Shakira (2014)
El Dorado (2017)
Las Mujeres Ya No Lloran (2024)

Live-Albumen

MTV Unplugged (2000)
Live & off the Record (2004)
Oral Fixation Tour (2007)
Live from Paris (2011)
Shakira in Concert: El Dorado World Tour (2019)
Anniversary: Oral Fixation (20th) and Pies Descalzos (30th) Live (2025)

Referenzen

[1] “Pies descalzos” de Shakira cumplió 30 años: el disco que le abrió el camino por el mundo | TN

[2] '¿Dónde están los ladrones?', el éxito de Shakira que tiene una historia real en Bogotá

[3] Shakira Recalls Mammoth Crossover Moment as 'Laundry Service' Turns 20

[4] Shakira Insisted Label Add 'Hips Don't Lie' to Album

[5] 'Hips Don’t Lie' and 'Waka Waka': Top 10 Shakira pop songs that defined her global sound and chart dominance

[6] Shakira con su ‘Waka Waka’ destacó en exitoso concierto inaugural de ‘Sudáfrica 2010′ | Notas | BioBioChile

[7] Jazz news: Shakira Releases "Sale el Sol / The Sun Comes Out"

[8] La reconstrucción personal de Shakira en 'Las Mujeres Ya No Lloran', el álbum que marca su regreso

[9] Shakira Sets Record for Highest-Grossing Latin Tour of All Time

[10] Epson and Global Music Superstar Shakira Partner to Take Latin America by Storm | Epson US

[11] Shakira Is Billboard's First 'Latin Woman of the Year'

[12] Shakira | Artist | GRAMMY.com

[13] Shakira | Artist | LatinGRAMMY.com

[14] Shakira Mebarak

[15] J.Lo & Shakira Land Emmy Nods for Their Super Bowl Halftime Show & Other Nomination Highlights

[16] Shakira's New School Project: Changing Lives in Catatumbo -

[17] Shakira's 'Zoo' Song Gets Music Video Ahead Of 'Zootopia 2'

[18] Shakira to leave The Voice after just one season - Yahoo News UK

[19] Shakira, la reina de las redes sociales: 122 millones en Facebook y 94,1 millones en Instagram - Infobae

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]