Sizilien

Sizilien
Geographie
Land	Italien
Koordinaten	37°35'59,85"N, 14°0'55,36"O
Fläch	25.711 km²
Héchste Punkt	Etna ()
Verwaltung
Verwaltungseenheet	Italien
Haaptuert	Palermo
Demographie
Awunner	4.983.478
Awunnerdatum	2019
Aner Informatiounen
Zäitzon	UTC+1, UTC+2

Fändel vu Sizilien

Sizilien (ital. Sicilia) ass eng Insel am Mëttelmier déi zu Italie gehéiert.

Geographesch Konstellatioun a Bevëlkerung

Sizilien huet eng Fläch vu knapp 26.000 km² an eppes manner wéi 6 Milliounen Awunner. Nodeem griichesch Siidler, vu 750 v. Christus un, der Insel hire Cachet opgedréckt haten, koum Sizilie successiv wärend begrenzten Zäiten ënner d'Herrschaft vun de Réimer, de Goten, de Byzantiner, den Araber, den Normannen, de Bourbonen an de Spuenier. Eréischt 1860 ass Sizilien duerch de Garibaldi an italieenesch Hand komm.

D'Haaptstad vu Sizilien ass Palermo. Aner grouss Stied a Sizilie sinn:

• Catania (313.110 Aw.),
• Messina (252.026 Aw.),
• Syrakus (123.657 Aw.),
• Gela (72.774 Aw.),
• Trapani (68.346 Aw.),
• Caltanissetta (61.438 Aw.),
• Agrigento (54.619 Aw.),
• Ragusa (68.956 Aw.),
• Marsala (50.000 Ew.) an
• Enna (28.983 Aw.).

All dës Stied an doriwwer eraus, och Taormina, gi vun den Touriste staark besicht.

Op der nërdlecher Spëtz vu Sizilie läit Messina. Dës Spëtz ass vum kontinentalen Italien, méi genee vu Calabrien, duerch eng schmuel Mieresstrooss, d'Strooss vu Messina, getrennt.

Administrativ Ënnerglidderung

00	De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen.

Administrativ gesinn, ass Sizilien an néng Provënzen ënnerdeelt: Agrigent, Caltanissetta, Caltania, Enna, Messina, Palermo, Ragusa, Syracus an Trapani.

Vulkaner

Den héchste Bierg op Sizilien ass den Etna mat 3.323 Meter, de gréissten an aktiivste Vulkan an Europa. De Stromboli, den zweeten aktive Vulkan, steet op der Insel mam selwechten Numm nërdlech vu Messina.

Bevëlkerung

D'Leit op Sizilien schwätzen eng sizilianesch Variant vum Italieeneschen. Déi grouss Majoritéit si Katholicken. Ongeféier eng Millioun Sizilianer liewen am Ausland.

Um Spaweck

• Engleschsproocheg Websäit iwwer Sizilien

Commons: Sizilien – Biller, Videoen oder Audiodateien