Sortiment
 |
Dësen Ekonomiesartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
Sortiment oder Assortiment bezeechent all d'Wueren, déi en Händler oder en Handelsbetrib, wéi zum Beispill e Buttek, op engem bestëmmten Zäitpunkt senger Konnschaft zum Verkaf ubitt[1]. Jee no Definitioun ginn och d'Déngschtleeschtungen als Deel vum Sortiment betruecht[2].
Et gëtt verschidde Krittären, fir d'Dimensioun vum Sortiment ze definéieren. Esou bezeechent d'Sortimentsbreet d'Zuel vu Produktgruppen oder -kategorien, déi ugebuede ginn. En Hypermarché huet zum Beispill eng grouss Sortimentsbreet, well e Liewensmëttel, Drogeriesartikelen, Gezei, a Produkter fir de Stot a fir de Gaart verkeeft. D'Sortimentsdéift dogéint bezeechent d'Zuel vu Varianten an enger Produktgrupp. Esou kann e Buttek, deen op d'Vente vun Elektroapparater spezialiséiert ass, eng grouss Sortimentsdéift bei de Wäschmaschinnen hunn, wann e verschidde Marken, Modeller, Faarwen a Wäschtrommelgréissten ubitt[3][4].
Referenzen
[Quelltext änneren]- ↑ (de) Prof. Dr. Willy Schneider, Sortiment • Definition. Gabler Wirtschaftslexikon. Gekuckt de 4. Mäerz 2026.
- ↑ (de) Die Sortimentspolitik. Handelsmarketing. Springer-Lehrbuch. Springer, Berlin, Heidelberg (2007). Gekuckt de 4. Mäerz 2026.
- ↑ (de) Prof. Dr. Willy Schneider, Sortimentspolitik • Definition. Gabler Wirtschaftslexikon. Gekuckt de 4. Mäerz 2026.
- ↑ Piris, Y. et Dubois, P.-L., La mémorisation des consommateurs en matière d'assortiment. Management & Avenir, 42(2) 54-77 (2011). Gekuckt de 4. Mäerz 2026.