Staustuf Müden

Staustuf Müden

Typ	Wier, Staustuf, Schëffsschleis
Geographie
Land	Däitschland
Plaz	Müden, Treis-Karden
Koordinaten	50°11'2,706"N, 7°19'56,748"O
Gewässer	Musel
Flosskilometer	37,10 km
Héicht i. M.	79 m
Technesch Donnéeën (Schleis)
Fäerdeg gebaut	1964
Opgaangen	1964
Längt	170 m
Breet	12 m
Niveausënnerscheed	6,5 m
Aner Donnéeën
Bedreiwer	Wasserstraßen- und Schifffahrtsamt Mosel-Saar-Lahn, RWE Generation
Leeschtung Kraaftwierk	16,40 MW

D'Staustuf Müden ass – vun der Mëndung an de Rhäin bei Koblenz flossop gekuckt – déi 3. Staustuf op der kanaliséierter Musel. Se läit um Kanalkilometer 37,11 bei den Uertschafte Müden (lénksen Uwänner) an Treis-Karden (rietsen Uwänner) am Bundesland Rheinland-Pfalz. DʹAnlag war 1964 fäerdeg gebaut an ass am selwechte Joer mat der Kanaliséierung vun der Musel fir de Schëffsverkéier opgaangen.

D'Nopeschstaustuf muselop ass d'Staustuf Fankel, a flossofwäerts ass et déi vu Lehmen.

Geschicht

De Barrage gouf 1964 am Kader vun der Kanalisatioun vun der Musel gebaut.

Accident vum 8. Dezember 2024

Den 8. Dezember 2024 gouf déi ënnescht Schleisepaart vun engem Frachtschëff schwéier beschiedegt. 74 Schëffer stoungen op der Musel a konnten net a Richtung vum Rhäin virufueren. Uganks housch et, datt et bis op d'mannst Mäerz 2025 dauere géif bis d'Schleis gefléckt wier. Mat enger sougenannter „Noutschleisung“ konnten dunn awer bis de 27. Dezember all d'Schëffer déi blockéiert waren, „befreit“ ginn. Dofir goufen amplaz vun der ënneschter Schleisepaart allkéiers mat engem Kran néng stolen Dunnen (déi am Fong fir d'Revisioun vun der Schleis als Sécherhheetspaart virgesi sinn) agesat an no der Schleisung nees erausgeholl.

Den 19. Dezember 2024 hunn déi Lëtzebuerger Transportministesch Yuriko Backes an den däitsche Bundesminister für Digitales und Verkehr Volker Wissing matgedeelt, datt d'Schleis viraussiichtlech bis Ufank Februar 2025 gefléckt soll sinn.

Den 1. Februar 2025 konnt d'Schleis dann och hire reguläre Betrib nees ophuelen.

Technesch Donnéeën

Staustuf

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

De Barrage läit um Kanalkilometer 37,11 op enger Héicht vun 79,005 m. Den Niveausënnerscheed tëscht dem ieweschten an dem ënneschte Schleisebaseng ass 6,55 m.

Schleis

D'Schleis huet eng rechteckeg Schleisekummer mat enger notzbarer Längt vun 172,10 Meter, an enger Breet vun 11,45 Meter. Den Niveausënnerscheed tëscht dem ieweschte Schleisebaseng an dem ënneschten ass 6,5 Meter. Déi hydrostatesch Héicht vum ieweschte Schleisebaseng ass 79 Meter.

Duerch d'Schleis kënne Schëffer mat de Moossen 110,00 x 11,45 m (mat spezieller Erlabnes bis 135 m) oder Schubschëffer mat bis zu 172,10 Meter Längt fueren.

Do dernieft gëtt et och eng Bootsschleis vun 18 × 3,25 m.

Wier

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Waasserkraaftwierk

Zur Anlag gehéiert d'Lafwaasserkraaftwierk Müden um lénksen Uwänner. Et ass dat drëtt vun am Ganzen zwielef Lafwaasserkraaftwierker um däitschen Deel vun der Musel. Et huet eng Leeschtung vu 16,405 MW a gëtt vun RWE-Generation bedriwwen.

Kuckt och

• Lëscht vun de Bauwierker op der kanaliséierter Musel

Um Spaweck

Commons: Staustuf Müden – Biller, Videoen oder Audiodateien