Ster

Ster ass en Uertschafts- a Flouernumm deen ee grad wéi Sart dacks a Wallounien erëmfënnt.

Etymologie

Ster oder och Stier si Wierder aus dem Wallouneschen a bezéie sech op Plazen déi ofgeholzt, oder vun all Planzewuesstum fräigemaach goufen, fir landwirtschaftlech Kulture kënnen drop unzeleeën.

Se komme vum laténgesche Wuert stirps hier, dat Wuerzel bedeit. Stirps huet ë. a. de Verb extirpare (= ausräissen, defrichéieren) ginn. Aner Urspréng kënnen de germanesche Ster sinn, wat Plaz oder Landgutt/Domaine bedeit, souwéi Sterja, wat e Fielsvirsprong oder Promontoire bedeit.

Follgend Uertschaften heesche Ster oder Stier oder sinn dervun ofgeleet:

• Ster, Uertschaft an der Sektioun Stavelot, an der Gemeng Stavelot.
• Ster, eng Uertschaft an der fréierer Gemeng a Sektioun Francorchamps, haut och an der Gemeng Stavelot.
• Sterchoux oder och Sterchoul, e Flouernumm an der Gemeng Jalhay
• Sterpenech, eng Uertschaft an der Gemeng Arel.
• Sterpigny, eng Uertschaft an der Gemeng Gouvy.
• Stiéniha, eng Plaz an der Gemeng Marchin, haut nach am Numm vun der Rue Stiéniha erëmzefannen
• En Ster, e Flouernumm an der Gemeng Ans.
• Au Ster, Hoster, Hautster, an der Gemeng Chaudfontaine
• Wérister, an der Provënz Léck
• Alster, bei Burg-Reuland
• Oster, an der Gemeng Baaschtnech ze fannen am Numm vun der Baach Ruisseau d'Oster.

Raummooss

• E Ster ass eng Eenheet bei Raummossen am Holzhandel a bezeechent eng hallef Kouert.