Op den Inhalt sprangen

Sterpenich

Vu Wikipedia
Sterpenich
lb: Sterpenech
Land Belsch
Regioun Wallounien
Communautéit Franséisch Communautéit
Provënz Lëtzebuerg
Arrondissement Arel
Gemeng Arel
Koordinaten 49° 38’ 50’’ N
      05° 53’ 30’’ O
Telefonszon 063
Postcode 6706

Sterpenich, op Lëtzebuergesch Sterpenech, ass eng belsch Uertschaft an der Gemeng Arel, an der Provënz Lëtzebuerg.

De Ruisseau d'Autelbas (op Lëtzebuergesch Kolerbaach), eng Niewebaach vun der Äisch, leeft vu Westen no Osten duerch d'Duerf.

Nopeschuertschaften

[änneren | Quelltext änneren]
D'Schlass vu Sterpenech (2020)

Am Mëttelalter gouf et d'Häre vu Sterpenech, déi méi spéit vun den Häre vun Nidderelter ofgeléist goufen. Dës Herrschaften hate schonn e Schlass.

Dat neit Sterpenecher Schlass gouf tëscht 1680 an 1690 vum Jean-Adam Pellot op de Fëllementer vum ale Schlass gebaut. Am Joer 1706, souwéi och am 19. Joerhonnert, wéi d'Schlass de Grofe vu Berlaymont gehéiert huet, gouf et ëmgebaut. Hannert deem grousse viischten Deel mat zwéi quadrateschen Tierm an der Mauer op der Stroossesäit steet e Bauerenhaff. D'Bauwierk gouf 1956 klasséiert.

D'Uertschaft ass bis haut vum Bauerewiese markéiert. Déi haiteg Kierch ass 1900 gebaut ginn.

D'Duerf hat fréier eng Grenzgare op der Streck Lëtzebuerg-Bréissel an ass haut iwwer d'Bréisseler Autobunn am Süden an d'Nationale 4 am Norden un de Verkéier ugeschloss. E puer kleng Weeër féieren op déi lëtzebuergesch Grenz bei Stengefort a Klengbetten am Osten a Grass am Süden.

 Commons: Sterpenich – Biller, Videoen an Audiodateien

Referenzen

[Quelltext änneren]