Still (Geschir)

Vu Wikipedia
Op d'Navigatioun wiesselen Op d'Siche wiesselen
Eng Aaxt mat engem hëlze Still

De Still ass d'Upak oder de Grëff bei engem Geschir dat an der Hand gehale gëtt.

De Still ass meschtens aus Holz, e kann awer och aus Konschtstoff oder Metall sinn. An der Steenzäit goufe Stiller dacks aus Schanken, Har oder Gewei fabrizéiert.

Fréier gouf et besonnesch a Géigende wou Bëscher waren, sou wéi an den Ardennen oder am Condroz , verschidden Dierfer déi wéinst hire Stillmécher bekannt waren. Ee vun de leschten am Condroz war ëm 1950 e gewësse Bourgeois.[1]

D'Stillmécherei war op verschidden Holzaarten ugewisen. Sou gouf fir Schëppestiller, Elleren-, Bierken- oder Weidenholz geholl. Fir d'Fabrikatioun vu Riecher gouf Hieselter- oder Eschenholz gebraucht. Fir Pioschen an Aaxte gouf Bichen- oder Eschenholz geholl. Déi goufen aus dem Quartier erausgeschafft, d. h. aus Stécker Holz déi beim Räisse vun engem ronne Stéck entstinn.

Referenzen[Quelltext änneren]

  1. Mémoire de Neupré