Viktor Barvitius

Viktor Barvitius
Viktor Barvitius
Gebuer	28. Mäerz 1834; Prag
Gestuerwen	9. Juni 1902; Smíchov
Nationalitéit	Éisträich-Ungarn
Aktivitéit	Moler, Enseignant, Konschttheoreetiker
Auteursrechter	Auteursrechter sinn ofgelaf

De Viktor Barvitius, gebuer den 28. Mäerz 1834 zu Prag, an och do den 9. Juni 1902 gestuerwen, war e béimesche Moler, Dekorateur a Konschttheoretiker.

Liewen

Hie war de klenge Brudder vum Architekt Anton Barvitius. Vun 1849 un huet hien op der Prager Konschtakademie beim Christian Ruben an da beim Eduard von Engerth studéiert. 1862 gouf hie Konrektor vun der Akademie. Hie war zanter 1863 Member vun der Kënschtlerassociatioun Umělecká beseda. Hien ass dacks doruechter gereest, ë. a. op Wien, Dresden, Leipzig, München, Nürnberg a Berlin. 1864 krut hien eng Bourse an ass 1865 op Paräis gaangen, wou en am Atelier vum Thomas Couture geléiert huet an eng Zäitche beim Soběslav Pinkas zu Cernay-la-Ville gewunnt huet. 1867 goung en hannescht op Prag. 1871 war hie Matgrënner vum St. Lukas-Künstlerverein. Vun 1877 bis 1893 war hien Inspekter an der Molereigalerie vun der Gesellschaft vu patriotesche Konschtfrënn an en huet och deenen hire Katalog publizéiert. 1883 goung hien d'Billergalerien zu Dresden, Berlin a Münche besichen, fir d'Ariichtung vun der Billergalerie am Prager Rudolfinum virzebereeden.

Wierk

De Viktor Barvitius war e Vertrieder vun der realistescher Molerei a Béimen, änlech wéi och de Soběslav Pinkas an de Karel Purkyně. Nodeems e mat Historiemolerei ugefaangen hat, huet hie méi realistesch Biller aus dem Alldag vun deemools gemoolt, an deenen et net méi ëm eng literaresch Kompositioun, ma ëm d'Erfaasse vum Moment goung. Och säi Molstil huet sech mat der Zäit vun enger akadeemescher Genremolerei zu enger méi labberer a faarweger Aart a Weis ze molen entwéckelt.

De Jan vu Béimen an der Schluecht vu Crécy, 1858
National Feier an der Hvězda, (Prag, Kanzlei vum President), 1861, Öl auf Leinwand, 52 × 102 cm
Stroossenzeen, (Prag, Nationalgalerie, Inv. Nr. O 4997), 1864, Ueleg op Toile, 29,5 × 38,5 cm
D'Préiwe vu de Päerd (Prag, Nationalgalerie, Inv. Nr. O 10244), um 1866, Ueleg op Toile, 27 × 35 cm
Donneschdes an der Stromovka, 1885

Schrëften

Katalog der Gemälde-Galerie im Künstlerhause Rudolphinum zu Prag. Gesellschaft patriotischer Kunstfreunde in Böhmen, Prag 1889.
Die ersten fünfundzwanzig Jahre des unter dem hohen Protectorate Sr. kais. Hoheit des durchl. Herrn Erzherzogs Ludwig Salvator von Toscana stehenden St. Lucas-Vereines in Prag. Prag 1896.