Virgil Widrich

Virgil Widrich
Virgil Widrich
Gebuer	16. Mee 1967; Salzburg
Nationalitéit	Éisträich
Aktivitéit	Filmregisseur, Dréibuchauteur, Filmproduzent, Filmediteur
Auteursrechter	Wierker sinn duerch Auteursrechter geschützt
Member vun	Éiträichesch Filmakademie
Mamm	Gerheid Widrich

De Virgil Widrich, gebuer de 16. Mee 1967 zu Salzburg, ass en éisträichesche Filmregisseur, Dréibuchauteur a Multimediakënschtler.

Liewen

Hie gouf international bekannt mat sengem Kuerzfilm Copy Shop (2001), dee fir en Academy Award an der Kategorie beschte Kuerzfilm nominéiert war. Seng Aarbecht kombinéiert dacks Film, Animatioun an digital Konscht. Hie schafft u ville Filmer a multimediale Projete mat, heiansdo als Member vun engem kreative Kollektiv.

De Virgil Widrich huet bis elo (Stand: 2025) iwwer 290 Filmpräisser gewonnen an huet 2015 den internationale Film Die Nacht der 1000 Stunden (Night of a 1000 Hours) zum Deel zu Lëtzebuerg gedréint.

Hien ass de Grënner vun der Firma checkpointmedia an de Leeder vum Masterprogramm Art & Science op der Universitéit fir ugewannt Konscht Wien. Zanter 2024 ass hien och Member vun der Academy of Motion Picture Arts and Sciences (AMPAS).

Filmographie

1980: My Homelife (A), 6 Min., Dokumentarfilm iwwer en ale Haus
1980: Gebratenes Fleisch (A), 11 Min., Kriminalfilm iwwer de Mord u enger Fra an engem Restaurant
1980: 3 mal Ulf (A), 12 Min., Dokumentarfilm iwwer den Arnulf Komposch
1981: Auch Farbe kann träumen (A), 12 Min., Animatiounsfilm, an deem e Wuerm an e Mann virun der Ëmweltzerstéierung flüchten
1982: Monster in Salzburg (A), 12 Min., Animatiounsfilm, an deem e Monster duerch d'Stad Salzburg dréint
1983–1985: Vom Geist der Zeit (A), 112 Min., eng Mëschung vu verschiddene Genren
1998: tx-transform (A), 5 Min., experimentellen Animatiounsfilm, Co-Regie mam Martin Reinhart
2000: Heller als der Mond (Brighter than the Moon) (Europa), 88 Min., Komedie iwwer Friemer zu Wien
2001: Copy Shop (A), 12 Min., e Mann duplizéiert sech selwer bis d'ganz Welt mat senge Kopie gefëllt ass
2001: LinksRechts (A/F), 4 Min., Interviewen iwwer "lénks a riets am Film a Politik"
2003: Fast Film (A/LUX), 14 Min., Animatiounsfilm aus Dréckstécker vun anere Filmer, déi eng Verfollgungsgeschicht erzielen
2010: make/real (A), 5 Min., Found-Footage-Film fir d'Ausstellung Robot Dreams am Tinguely-Musée zu Basel an am Kunsthaus Graz
2011: warning triangle (A), 6 Min., Found-Footage-Film fir d'Ausstellung Fetisch Auto. Ich fahre, also bin ich. am Tinguely-Musée zu Basel
2015: back track (A), 7 Min., Found-Footage-Film an 3D
2016: Vienna table trip (A), 1 Min. 22 Sek., Found-Footage-Animatiounsfilm
2016: Die Nacht der 1000 Stunden (Night of a 1000 Hours), Spillfilm
2018: Icon Island – a live battle of pictures and sounds (A), 70 Min., Film- a Museks-Liveperformance
2018: Nena & Dave Stewart: Be my Rebel (D), 3 Min. 45 Sek., Museksvideo
2018: Light Matter (A), 5 Min., experimentelle Film
2019: tx-reverse (A/D), 5 Min., experimentelle Film, Co-Regie mam Martin Reinhart
2021: Es ist genau genug Zeit (There is exactly enough time) (A), 1 Min., Animatiounsfilm zesumme mam Oskar Salomonowitz

Um Spaweck

Commons: Virgil Widrich – Biller, Videoen oder Audiodateien