Waasserwirtschaft zu Lëtzebuerg

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Zu Lëtzebuerg gëtt d'Waasserwirtschaft vun de Gemengen, a jee nodeem, hire Waassersyndikater, assuréiert.

Geschicht

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Drénkwaasser

Wat d'Drénkwaasserversuergung ugeet, sou ginn all Dag 132.000 Kubikmeter Drénkwaasser zu Lëtzebuerg produzéiert (Stand 2019). Dovu ginn 112.000 Kubikmeter duerch d'Reseaue vun den Drénkwaassersyndikater verdeelt, 11.000 Kubikmeter ginn aus private Quelle gezaapt.

Dee gréissten Drénkwaassersyndikat ass de SEBES mam opbereetem Waasser aus dem Stauséi Uewersauer.

60 Prozent vum Waasser, dat produzéiert gëtt, gëtt vun de Stéit verbraucht (deemno 132 Liter op de Kapp den Dag), 23 Prozent vun de Servicer an der Industrie (dovu si 7% vun Déngschleeschter a klengen Entreprisen, 9% Industrie, déi hiert Waasser aus eegene Bueren hierkritt, 9 % Industrie, déi et aus dem Drénkwaassernetz kritt); an 9 Prozent vun der Landwirtschaft (wouvun 1 % eege Buere sinn). De Rescht ass Waasser, dat direkt vun de Gemenge verbraucht, an deemno net facturéiert gëtt, oder awer dat, wat duerch Fuitte verluer geet.

Ofwaasser

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Zu Lëtzebuerg sinn 99% vun der Bevëlkerung un en Ofwaassersystem (Egout) ugeschloss (Stand: 2019). Déi meescht dovu sinn e gemëschten Egout, d.h., wou Reewaasser a verbraucht Waasser net getrennt ginn.

Vun den 199 kommunale Kläranlagen zu Lëtzebuerg sinn der 82 mechanesch. Si hunn eng niddreg Kapazitéit - 100 bis 200 Awunner, deemno am Ganzen 12.395 Awunner-Equivalenter - a sinn iwwer 40 Joer al. Dat meescht Ofwaasser, 98%, gëtt a biologesche Kläranlage behandelt (am Ganzen hirer 117), déi 1.092.735 Awunner-Equivalenter ofdecke kënnen.

 Méi Informatioun doriwwer am Artikel: Lëscht vun de Kläranlagen zu Lëtzebuerg.

Lëscht vu Syndikater

Drénkwaasser

(Opbereedung an/oder Verdeelung)

• SEBES
• Syndicat des eaux du Sud (SES)
• Syndicat des eaux du Centre (SEC)
• Syndicat des eaux du Sud-Est
• Syndicat d'eau Savelborn Freckeisen
• Syndicat intercommunal pour la distribution d'eau potable dans la région de l'Est

Ofwaasser

 Méi Informatioun doriwwer am Artikel: Ofwaassersyndikat.

• Syndicat intercommunal pour l'assainissement du bassin de la Chiers (SIACH)
• Syndicat intercommunal pour l'assainissement du bassin hydrographique de la Syre (SIAS)
• Syndicat intercommunal de dépollution des eaux résiduaires du Nord (SIDEN)
• Syndicat intercommunal de dépollution des eaux résiduaires de l'Ouest (SIDERO)
• Syndicat intercommunal de dépollution des eaux résiduaires de l'Est (SIDEST)
• Syndicat intercommunal à vocation multiple pour l'assainissement de la commune de Frisange et de parties de communes de Dalheim et de Weiler-la-Tour, desservies par la construction, l'entretien et le fonctionnement d'une station d'épuration biologique en aval de la localité d'Aspelt (SIFRIDAWE)
• Syndicat intercommunal à vocation écologique (SIVEC)
• Syndicat intercommunal pour l'exploitation de la station d'épuration de Bettembourg et pour la réalisation de toutes activités de recyclage et de gestion écologique (STEP)
• International Kläranlag Iechternach-Weilerbach (KAEW; zesumme mat Däitschland)
• Kläranlag Mompech / Trier-Land
• Kläranlag Rouspert / Trier-Land

Biller

• 
  De Stauséi Uewersauer, mat der Hal vun der SEBES lénks am Bild.
• 
  Eng gefaasst Quell vum SES, zu Dondel.
• 
  Kläranlag vum STEP zu Beetebuerg
• 
  D'biologesch Kläranlag zu Manternach

Literatur

• Jean Reitz: "Die Wasserversorgung Luxemburgs: Ein historischer Überblick." In: forum Nr.409, S.54ff.

Um Spaweck

Commons: Waasserwirtschaft zu Lëtzebuerg – Biller, Videoen oder Audiodateien