Wikipedia:Gadget

Gadgete si speziell Funktiounen, déi beim Liesen an/oder Ännere vun der Wikipedia nëtzlech kënne sinn an iwwer déi normal Funktioune vun der MediaWiki-Software erausginn. Gadgete ginn op all Wiki lokal iwwer JavaScript- oder CSS-Säiten definéiert a kënnen an de Benotzerastellungen eenzel aktivéiert an desaktivéiert ginn.

D'Lëscht vun alle Gadgeten op der lëtzebuergescher Wikipedia fannt Dir ënner Spezial:Gadgeten an d'Zuel vun den (aktive) Benotzer, déi e Gadget benotze fannt Dir ënner Spezial:Statistike vum Gebrauch vu Gadgeten.

Gadgete benotzen

Fir Gadgete benotzen ze kënne muss een ugemellt sinn (→ Benotzerkont uleeën oder umellen) an et muss jee no Gadget JavaScript am Browser aktivéiert sinn. Fir e konkrete Gadget z'aktivéiere muss een an de Benotzerastellungen op de Menüpunkt → Gadgeten goen an dann ee Kreepche beim entspriechende Gadget setzen (a fir ze desaktivéiere muss een dee Kreepchen einfach erëm ewechzehuelen).

Nei Gadgeten uleeën

Nëmmen Interface-Administrateure^[1] kënnen nei Gadgeten op der lëtzebuergescher Wikipedia uleeën. D'Virgoensweis fir ee Gadget unzeleeën ass déi hei:

D'Säit MediaWiki:Gadget-scriptname.js^[2] an/oder MediaWiki:Gadget-scriptname.css^[3] uleeën. Op deene Säite gëtt definéiert, wat de Gadget mécht. Ob een eng .js- oder eng .css-Säit oder béid brauch, hänkt dovunner of, wat de Gadget maache soll.
Eng kuerz Beschreiwung vum Gadget op d'Säit MediaWiki:Gadget-scriptname setzen^[4]. Déi Beschreiwung gëtt herno an de Benotzerastellungen ugewisen.
De Gadget op der Säit MediaWiki:Gadgets-definition androen^[4]^[5]. Doduerch gëtt de Gadget op der lëtzebuergescher Wikipedia disponibel. De standardméissegen Antrag ass scriptname[ResourceLoader]|scriptname.js, jee no Gadget kënnen awer nach méi oder aner Konfiguratiounsparameteren néideg sinn.

Wann Dir selwer net déi néideg Benotzerrechter hutt, kënnt Dir bei engem Interface-Administrateur (resp. jee nodeems Administrateur) nofroe fir eventuell en neie Gadget unzeleeën oder Ännerungen un engem bestoende Gadget ze maachen.

Kuckt och

mw:Extension:Gadgets op MediaWiki
MediaWiki:Gadgets-definition

Notten

↑ Aktuell Lëscht vun den Interface-Administrateure vun der lëtzebuergescher Wikipedia.
↑ Brauch d'Benotzerrecht editsitejs, wat nëmmen Interface-Administrateuren hunn.
↑ Brauch d'Benotzerrecht editsitecss, wat nëmmen Interface-Administrateuren hunn.
1 2 Brauch d'Benotzerrecht editinterface, wat Interface-Administrateuren an Administrateuren hunn.
↑ Wann op MediaWiki:Gadgets-definition mat == title == en neien Abschnitt fir de Gadget agefouert gëtt, da muss een den Text vun deem Abschnittstitel am Menü vun de Benotzerastellungen op der Säit MediaWiki:Gadget-section-title uginn, an net direkt op MediaWiki:Gadgets-definition. Kuckt z. B. MediaWiki:Gadget-section-editing, wou den Affichage vum Abschnitt mam Titel editing op „Änneren“ festgeluecht gëtt.

[1] Aktuell Lëscht vun den Interface-Administrateure vun der lëtzebuergescher Wikipedia.

[2] Brauch d'Benotzerrecht editsitejs, wat nëmmen Interface-Administrateuren hunn.

[3] Brauch d'Benotzerrecht editsitecss, wat nëmmen Interface-Administrateuren hunn.

[editinterface-4] 1 2 Brauch d'Benotzerrecht editinterface, wat Interface-Administrateuren an Administrateuren hunn.

[5] Wann op MediaWiki:Gadgets-definition mat == title == en neien Abschnitt fir de Gadget agefouert gëtt, da muss een den Text vun deem Abschnittstitel am Menü vun de Benotzerastellungen op der Säit MediaWiki:Gadget-section-title uginn, an net direkt op MediaWiki:Gadgets-definition. Kuckt z. B. MediaWiki:Gadget-section-editing, wou den Affichage vum Abschnitt mam Titel editing op „Änneren“ festgeluecht gëtt.

[1]

[2]

[3]

[4]

[5]