Op den Inhalt sprangen

Wikipedia:Technesche Krom

Vu Wikipedia

Op dëser Säit kann alles diskutéiert ginn, wat mat techneschen Aspekter vun der Wikipedia-Aarbecht ze dinn huet.

Et kënne Froe gestallt ginn, wéi eppes funktionéiert, oder Ufroe gestallt gi fir nei technesch Funktionalitéiten. Et kann een Erklärungen heihinner schreiwen, déi op deenen eenzele Schablounen- oder Moduldiskussiounssäite verluer goe géifen, awer och soss alles beschwätzen, wat villäicht e bëssen ze vill an den techneschen Detail geet fir den „normale“ Stamminee.

Wann Dir keng Diskussiounssujete verpasse wëllt, kënnt Dir dës Säit einfach op Är Iwwerwaachungslëscht setzen.

Kuckt och

Fir emol unzefänken: "Sproochen" a reduzéierter Form

[Quelltext änneren]

Moien, op verschiddene Wikien, wéi eiser, gi lénks all Sproochen ugewisen, an deenen et eppes zum selweschten Thema gëtt.

Bei der Haaptsäit ass dat e bësse problematesch, well dat einfach ze laang ass (300+) an d'Säit 3 Mol sou laang mécht wéi den Text deen do steet. Op der Däitschsproocheger schéngen s'en Trick fonnt ze hunn, dat op déi 'Gängegst' ze reduzéieren (déi x Gréisst an all déi europäesch Sproochen, wann ech dat richteg interpretéieren). Kinnt een dat hei och aféieren?


Zinneke (Diskussioun) 17:54, 29. Mäe. 2025 (UTC) äntweren

Wéi?
Et gëtt ee magic word {{noexternallanglinks}}, mat deem een dat automatescht Uweise vun den Interwiki-Linken, wéi se am ggf. verbonnene Wikidata-Element hannerluecht sinn, ënnerdrécke kann (cf. mw:Wikibase/Installation/Advanced configuration#noexternallanglinks). Wann een dat asetzt, kann ee wéi fréier mat manuellen Interwikilinken à la [[de:Wikipedia:Hautpseite]] all gewënschte Sproochlinken zefouss definéieren.
Op der däitschsproocheger Wikipedia hunn se op der Haaptsäit dofir d'Schabloun {{Wikipedia:Hauptseite/Interwikis}} gesat, an där all hir 51 Interwikilinke vun hirer Haaptsäit opgelëscht sinn, suivéiert vum genannte magic word.
Firwat (net)?
Am Prinzip kéinte mir dat ganz einfach och maachen, mee a mengen Ae wier dat eng onnéideg Aschränkung, well guer kee Problem besteet: Ugemellte Benotzer kënnen nämlech an hire Benotzerastellungen ënner „Ausgesinn“ am leschten Abschnitt „Sproochen“ d'Optioun „Benotzt eng kompakt Lëscht vu Sprooche mat deene Sproochen, déi fir Iech relevant sinn“ aktivéieren, fir datt net déi ganz Sproochelëscht ausgeklappt gëtt. A fir net ugemellte Benotzer – déi jo keng sou Astellunge maache kënnen – gëtt d'Standardbenotzeruewerfläch Vector (2022) benotzt, bei där d'Interwikilinken net ausgeklappt an der lénkser Säiteläischt, mee zesummegeklappt iwwert der Säit (resp. aus engem mir onbekannte Grond op Haaptsäiten drënner) stinn. D. h. fir ugemellte Benotzer ass de Problem mat engem Klick an de Benotzerastellunge liicht léisbar a fir net ugemellte Benotzer besteet de Problem guer net.
An déi Däitschsproocheg?
Op der däitschsproocheger Wikipedia ergëtt hir Léisung awer duerchaus Sënn, well bei hinnen d'Standardbenotzeruewerfläch net Vector (2022) ass, mee Vector alt (2010), an do ginn d'Interwikilinken ausgeklappt an der lénkser Säiteläischt ugewisen, deemno och fir net ugemellte Benotzer. A well net ugemellte Benotzer jo keng Benotzerastellunge maache kënnen an et och fir si „propper“ ausgesi soll, ware se gezwongen eng global Léisung ëmzesetze wéi uewe beschriwwen.
--Volvox (Diskussioun) 00:01, 30. Mäe. 2025 (UTC)äntweren
P.S.: Witzegerweis hunn ech mäi Kommentar iwwer déi däitschsproocheg Wikipedia dee leschten Dag gemaach, wou en iwwerhaapt nach gestëmmt huet. Den 31. Mäerz 2025 gouf nämlech och op der dewiki Vector (2022) och zum Standard 😉(cf. de:Hilfe:Skin/Vector 2022). --Volvox (Diskussioun) 17:57, 7. Abr. 2025 (UTC)äntweren


Infoboxe mat Wikidata lo och mat „mul“

[Quelltext änneren]

Ech wollt Bescheed soen, datt iwwer d'Schabloun {{wikidata}} duerch dës Ännerung lo net nëmme méi lëtzebuergesch Etiketten ofgegraff ginn – wann et därer keng gouf, da gouf virdrun einfach guer näischt ugewisen –, mee elo och „mul“-Etiketten (also de berüümten neie „Standard fir all Sproochen“). Doduerch ass et net méi néideg fir all méiglech Persounen hiren Numm op Lëtzebuergesch ze kopéieren, just fir datt se an Infoboxen optauchen.

Falls engem Problemer domat opfalen oder Argumenter afalen, firwat dat keng gutt war, gäre Bescheed soen.

(@GilPe, @Les Meloures pour info)

--Volvox (Diskussioun) 20:56, 26. Abr. 2025 (UTC)äntweren

Tipptopp, merci fir den Hiwäis. | GilPe (Diskussioun) 06:20, 27. Abr. 2025 (UTC)äntweren
Ass u sech net schlecht, leider sinn op de Wikidata och alt där Mataaerbechter déi do einfach eppes drasetzen an net kontrolléieren op et wierklech de Standard fir all Sproochen ass. --Les Meloures (Diskussioun) 07:58, 8. Aug. 2026 (UTC)äntweren

Schabloun:Commonscat geännert

[Quelltext änneren]

Pour info: Ech hunn d'Schabloun:Commonscat grad geännert. Wann een einfach nëmmen {{Commonscat}} an een Artikel oder eng Kategorie schreift, da gëtt de Wäert vun der Eegenschaft Commons-Kategorie (P373) vu Wikidata als Commons-Kategorie geholl a {{PAGENAME}} als Linktitel ugewisen.

De Gedanken dohannert ass et, d'Derbäisetze vu Commons-Linken haaptsächlech an eise Kategorien däraarteg ze vereinfachen, datt kee sech méi ploe muss all Kéiers nom Verknäppe mat Wikidata op Wikimedia Commons nozekucken, wéi déi Kategorie dann do heescht, fir se dann zesumme mat engem {{PAGENAME}} an de Wikitext vun der Kategorie antippen ze goen. Lo geet et duer {{Commonscat}} an déi zweet Zeil ze setzen, an d'Bier ass geschielt (ech wäert dat deemnächst mam AutoWikiBrowser iwwerall do maachen, wou nach guer kee Commons-Link gesat ass, obwuel en existéiert). Bei Artikelen ass et net ëmmer esou banal, well mer do dacks d'Méizuel vum lëtzebuergesche Begrëff gesi wëllen; dat muss een dann nach ëmmer zefouss definéieren. A fir all anere Fall kann een nach ëmmer de Link an de Linktitel definéieren, wéi ee wëll. --Volvox (Diskussioun) 18:06, 10. Mee 2025 (UTC)äntweren

Neie Gadget: MiniEdit

[Quelltext änneren]

Ab elo hu mer nieft HotCat och een zweete Gadget op der lbwiki:

Wikipedia:MiniEdit

Dat wäert bestëmmt net dee leschte bleiwen, deen nei derbäi komm ass.

Wann iergendee Wënsch huet fir nei Gadgeten (déi een z. B. op aner Wikie gesinn huet), kann e mer dat gäre soen. Da kann ech kucke fir s'eventuell hei z'importéieren.

(@GilPe a @GilPeBot pour info)

--Volvox (Diskussioun) 20:58, 28. Jun. 2025 (UTC)äntweren

Eifeler op der Haaptsäit

[Quelltext änneren]

Moien, op der Haaptsäit liesen ech "[...] a 140 Mataarbechter." Am Quellentext schéngt es, wéi wann do e Code géif no der Eifeler Reegel kucken, ma bei "Honnert" schéngt dat offensichtlech net de Fall ze sinn. Wann eng Léisung ze komplizéiert wier, kann een och einfach "a(n)" dohischreiwen. Bescht Gréiss. -- Zinneke (Diskussioun) 07:46, 26. Sep. 2025 (UTC)äntweren

Salut, ass mat där heiter Ännerung um Modul: SimplifiedEifelRule behuewen.
Normalerweis gëtt an deem Modul gekuckt, woumat dat zweet Wuert ufänkt, fir ze wëssen, ob beim éischte Wuert den -n (oder -nn) ewechfale muss. Dat ass entweeder eng Zuelegrupp, déi da fir d'éischt a Buschtawen ëmgewandelt gëtt, oder einfach den éischte Buschtaf.
De Problem war hei, datt dat zweet Wuert net dat war, wat ugewise gouf – also 140 –, mee de Wikitext – also '''[[… a sou weider – an deemno gouf d'Zuel 140 guer net fonnt.
No der Ännerung gëtt dat zweet Wuert fir d'Iwwerpréiwung fir d'éischt vu Wikitext an den ugewisenen Text ëmgewandelt an elo klappt et. --Volvox (Diskussioun) 16:51, 26. Sep. 2025 (UTC)äntweren
Top! Merci! ---Zinneke (Diskussioun) 22:05, 26. Sep. 2025 (UTC)äntweren

Homonymie-Linken entdecken

[Quelltext änneren]

Den Tipp vum Dag: Wann ee wëll méi liicht Wikipedia:Homonymie-Linken an Artikelen entdecken, fir se eventuell duerch e Wikilink op déi richteg Säit z'ersetzen, kann ee se faarweg markéiere loossen, andeems ee ganz einfach op seng Benotzerënnersäit common.css dee follgende Code dropsetzen:

.mw-disambig {
  background-color: #ff9191;
}

(inspiréiert vum Gadget de:Wikipedia:Helferlein/Begriffsklärungs-Check). Amplaz #ff9191 kann een natierlech eng belibeg aner Faarf wielen. Dat gesäit dann z. B. esou aus:

Screenshot vu „Jeanne-Claude“ vum 26.04.2025 mat faarflecher Markéierung vun Homonymiesäiten.

A schonn huet een niewelaanscht een Homonymielink fonnt fir ze verbesseren. --Volvox (Diskussioun) 13:50, 26. Abr. 2025 (UTC)äntweren

Kann iwwregens gutt mat der Spezialsäit „Säiten, déi op Homonymiesäite verlinken“ kombinéiert ginn. --Volvox (Diskussioun) 13:57, 26. Abr. 2025 (UTC)äntweren
Klengen Update: Mëttlerweil gëtt et dat Ganzt als Gadget: Homonymiedetekter. --Volvox (Diskussioun) 23:24, 29. Dez. 2025 (UTC)äntweren
Eng fei Saach dat do! --Zinneke (Diskussioun) 00:05, 30. Dez. 2025 (UTC)äntweren

Faarwegen Text

[Quelltext änneren]

Fir dat neit Joer e bësse faarweg unzefänken…

An enger Diskussioun mam @Volvox (hei) ass et ëm Schabloune gaange fir Text faarweg oder mat engem faarwegen Hannergrond ze schreiwen. Do gëtt et nämlech d'Schablounen {{Faarf}} an {{Iwwerstrach}}. Da gouf och nach eng aner Schabloun {{Boxarrondi}} erëmfonnt mat där een en Text an eng Këscht pake kann an och déi jeeweileg Faarwen (Text, Hannergrond, Bord) steiere kann. De Bord ass zwar – anescht wéi den Numm vun der Schabloun et seet – net ofgerënnt, mä dat kann awer nach adaptéiert ginn.

D'Froen déi sech stellen:

  1. Sollen d'Schablounen {{Faarf}} an {{Iwwerstrach}} bestoe bleiwen (eventuell mat besseren Nimm {{Textfaarf}} an {{Hannergrondfaarf}}) an d'Schabloun {{Boxarrondi}} gefléckt ginn, datt se ronn Ecke kritt, oder
  2. soll d'Schabloun {{Boxarrondi}} als allround-Schabloun ëmgebaut gëtt, datt se alles matenee ka maachen an déi éischt genannt kënne geläscht ginn? (d'Schabloun kréich dann en neien Numm, z. B. {{Textlayout}}).

Sot eis Är Meenung (1 oder 2; bei 2 eventuell mat engem Numm fir déi nei Schabloun). E schéint neit, faarwegt Joer 2026! | GilPe (Diskussioun) 15:13, 3. Jan. 2026 (UTC)äntweren

Moien, a Merci gläichfalls, an och u jiddereen! Ech wosst bis ewell näischt vun deene Schablounen, a giff soen, et wier besser éng Schabloun, déi alles kann, mat engem einfachen a sech-selwer-eklärendem Numm ze hunn, wéi hirer méi. Allerdings ass den Numm "BoxArrondi" weeder nach,, dofir géif ech dat a Schabloun:Faarwegen Text ëmbenennen.
E Wuert awer nach zum Gebrauch: Ausser op Usersäiten oder Hëllefsäiten (bei Explikatiounen) gesinn ech net, wou een dat gebrauche kéinnt. --Zinneke (Diskussioun) 15:22, 3. Jan. 2026 (UTC)äntweren
Pro 2: allround-Schabloun; „FaarwegenText“ ass fir mech och an der Rei.
Nach eng Info zum Gebrauch: de faarwegen Text oder faarwegen Hannergrond ass effektiv op Hëllefssäiten nëtzlech; dat mat der Këscht ronderëm gëtt aktuell op de Gare-Säite gebraucht fir d'Zich unzeginn, déi do stallhalen, z. B. RE oder RB. | GilPe (Diskussioun) 17:31, 3. Jan. 2026 (UTC)äntweren

Neie Gadget Calculator

[Quelltext änneren]

Et gëtt (scho säit e puer Deeg méi laang) en neie Gadget Calculator mat dozougehéiereger Schabloun:Calculator! Domat kann ee lauter interaktiv Elementer op enger Wikipedia-Säit abannen, ouni selwer mussen JavaScript o. ä. programméieren ze kënnen, mee eleng mat Schablounen. Op der enwiki fënnt een nieft de méi einfache Beispiller op en:Template:Calculator nach richteg cool Beispiller op en:Template:Calculator/doc/examples, dorënner eng 360-Grad Foto, déi een an zwou Achsen dréine kann, oder eng historesch Landkaart, déi sech verännert, wann een e Slider beweegt. Wann ech dat richteg am Kapp hunn, gouf de Calculator ursprénglech op WikiProjectMed entwéckelt, fir e BMI-Rechner uweisen ze kënnen, an dann op mw:Template:Calculator iwwerdroen. Och op der enwiki ass de Calculator nach relativ nei, dohier gëtt et nach net esou vill Asazbeispiller. Hei just dat einfachst vum einfachen, fir de Prinzip z'illustréieren (an hoffentlech Appetit op eegen Experimenter ze maachen – et muss een de Gadget Calculator an de Benotzerastellungen aktivéiert hunn, fir datt d'Schablounen interaktiv sinn!):

2 × 2 = 4

An ee Schachbriet, wat sech endlech beweegt!

abcdefgh
8
wäissen Tuerm
wäisse Bauer
schwaarze Leefer
schwaarze Bauer
wäisse Bauer
schwaarze Bauer
schwaarzen Tuerm
wäiss Damm
schwaarze Bauer
wäisse Bauer
wäisse Leefer
wäisse Bauer
wäisse Leefer
schwaarze Leefer
wäisse Bauer
wäisse Bauer
wäisse Sprénger
schwaarze Sprénger
schwaarze Kinnek
wäissen Tuerm
schwaarze Bauer
wäisse Bauer
schwaarze Sprénger
wäisse Sprénger
wäisse Kinnek
schwaarze Bauer
schwaarze Bauer
schwaarze Bauer
schwaarz Damm
schwaarzen Tuerm
wäisse Bauer
schwaarze Bauer
8
77
66
55
44
33
22
11
abcdefgh

Op Wikipedia:Homonymiedetekter#Upassungen gesäit een, dat ee mat engem Calculator-Element esouguer op anere Plazen op der Säit een Effekt kann erzilen!

Natierlech gëllt och fir de Calculator, datt d'Wikipedia eng Enzyklopedie ass a kee faarweg blénkenden interaktive Multimedia-Zauber, mee ech sinn der Meenung, datt ee wueliwwerluechte Gebrauch vun Interaktivitéit, wéi se de Calculator och erméiglecht, och fir eng niichter Wëssensvermëttlung fërderlech ka sinn. --Volvox (Diskussioun) 12:43, 12. Jan. 2026 (UTC)äntweren

Ech weess net ob dat mam Gadget Calculator ze maachen ass, mä ech géif et flott fannen, wann an de Biographie Infoboxen de Calculator ausrechne kéint, wéi al eng bestëmmt Persoun ass oder war (also d'Differenz vun haut oder vum Doudesdatum zum Gebuertsdatum), sou wéi dat z. B. op der fr.wiki oder en.wiki de Fall ass. Kënne mer dat bei eis abauen? Merci | GilPe (Diskussioun) 15:06, 13. Abr. 2026 (UTC)äntweren
Salut, mir hunn hei déi relativ simpel Schabloun:Alter, där een zwee Datume gëtt an déi engem dann den Alter ausrechent. Fir de Gebrauch mat Infoboxe geet dat aleng awer net duer. Déi vu Wikidata agebonne Gebuerts- an Doudesdatumen an déi fir d'Schabloun néideg Form ze bréngen, ass dee mannste Problem, mee déi Schabloun gëtt net domat eens, wa just Joer a Mount oder just d'Joer bekannt ass. Entweeder mir kopéieren eppes wéi en:Template:Age eriwwer, oder mir bastelen hei eppes méi Einfaches zesummen (woubäi dann ëmmer de Risiko ass, datt een e Grenzfall vergiess huet). Ech si mer nach net sécher, wat de bessere Wee ass...
De Calculator-Gadget spillt hei net. Den Numm „Calculator“ fannen ech an där Hisiicht onglécklech, well ee menge kéint, et géif ëm calculation goen. Mee de Knackpunkt ass net, datt en eppes rechne kéint, mee datt e Knäppercher an Inputfelder huet, ob déi eppes interaktiv reagéiert (sief et andeems tatsächlech eppes berechent gëtt, oder datt einfach just eppes visuell dorop reagéiert wéi beim Schachbriet). Mee den Numm ass sou üblech op anere Wikien. --Volvox (Diskussioun) 09:32, 14. Abr. 2026 (UTC)äntweren

Geographesch Koordinaten

[Quelltext änneren]

Gudde Mëtteg,

Mir haten de Problem schonn iergendwou ugeschwat, ech fannen en awer net erëm. Et geet ëm d'Geographesch Koordinaten déi an den Infoboxe stinn a vun Wikidata importéiert ginn an och ëm déi, déi direkt op Wikidata stinn: klickt een drop, kritt e just eng Feelermeldung, wéi z. B.:

GeoHack (49.572433; 5.995241) Dës Säit huet aktuell keen Text. Dir kënnt op anere Säiten no dësem Säitentitel sichen, an den entspriechende Logbicher nokucken oder dës Säit uleeën.

Éischtens ass dee Feelertext e bësse bosseg, mä méi wichteg ass, datt de Link net méi funktionéiert… (Wéi) kréie mer dat geléist? | GilPe (Diskussioun) 15:00, 13. Abr. 2026 (UTC)äntweren

Salut, dat war hei: Wikipedia:De Stamminee#Koordinaten. De Fazit war (zumindest fir mech):
  1. Mir kënnen an der Schabloun {{wikidata}} op déi däitsch (oder englesch) Versioun vu GeoHack ëmleeden. Dat léist de Problem awer net fir wann een op Wikidata selwer op en entspriechende Link klickt.
  2. Mir kënnen eng Schabloun {{GeoTemplate}} uleeën, wéi déi aner Sproochversiounen och. Dat ass eemoleg e groussen Opwand, mee da fonktionéiert et vun iwwerall aus (an et ass op Lëtzebuergesch, fir déi, déi dat léiwer hunn).
  3. Mir wullen a wulle fir erauszefannen, ob et iergendwou eng Konfiguratioun gëtt, fir déi een eng däraarteg Ännerung ufroe kéint, datt ee vun all Wikimedia-Projete mam Interface op Lëtzebuergesch op GeoHack op Däitsch (oder Englesch) geschéckt gëtt. Dat schéngt mer awer héchst spekulativ.
A mengen Aen ass 2. déi bescht Léisung, mee leider ustrengend... --Volvox (Diskussioun) 09:42, 14. Abr. 2026 (UTC)äntweren
GeoHack gouf vum Magnus Manske virun engem hallwe Joer a Rust nei geschriwwen (déi al Versioun war a PHP geschriwwen), villäicht ass dobäi eppes mam Fallbacksproochemechanismus schif gaangen. Ech hu mol een Ticket op GitHub opgemaach, à voir... --Volvox (Diskussioun) 18:33, 14. Abr. 2026 (UTC)äntweren
Et gëtt Neiegkeeten: De Magnus Manske huet de Problem geléist, ass hei ze liesen https://github.com/magnusmanske/geohack/issues/4. Allerdéngs huet de @Les Meloures an Tëschenzäit souwisou d'Schabloun:GeoTemplate inklusiv Schabloun:GeoTemplate/styles.css ugeluecht, déi allerdéngs op Englesch ass. Wa keen eppes dogéint huet, géif ech déi Schabloun rëm läschen. --Volvox (Diskussioun) 09:39, 28. Jul. 2026 (UTC)äntweren
Super Saach!
Wann d'Schablounen net gebraucht ginn, da kënne se jo fort. | Mobby 12 (Diskussioun) 13:44, 28. Jul. 2026 (UTC)äntweren
Fir propper ze sinn, hunn ech mol eng Läschpropos gemaach. --Volvox (Diskussioun) 17:27, 28. Jul. 2026 (UTC)äntweren

Survey (proposed direction for Wishlist)

[Quelltext änneren]

Apologies if this has not yet been translated into your wiki's language. Hëlleft wgl. fir op Är Sprooch z'iwwersetzen.

You are invited to voice your opinion on a new community-proposed direction for the Community Wishlist. Merci! MediaWiki message delivery (Diskussioun) 03:07, 29. Mee 2026 (UTC)äntweren

Nei Schabloun {{Awunnerdiagramm}}

[Quelltext änneren]

Moien,

Et gëtt elo eng nei Schabloun {{Awunnerdiagramm}}, déi d'Awunnerentwécklung direkt aus Wikidata als interaktiv Grafik weist. Se baséiert um neie Modul:WikidataChart an ass geduecht fir déi vereelzt <timeline>-Grafiken z'ersetzen.

Virdeeler:

  • keen ëmständlecht Antippe vun den Daten an der <timeline>-Funktioun;
  • automatesch Donnéeën aus Wikidata (P1082 Awunnerzuel + P585 Zäitpunkt);
  • keng manuell Aktualiséierung vun de Grafiken;
  • eenheetlecht Ausgesinn iwwer eng gemeinsam Commons-Chart;
  • Ënnerstëtzung vu Q=, vun=, bis=, ageklappt=, iwwerschrëft= an anere Parameteren.

Déi nei Schabloun ass elo als Test am Artikel Lëtzebuerg (Stad) agesat ginn. An den éischten Deeg fänken ech un, déi al <timeline>-Grafiken z'ersetzen.

Feedback a Verbesserungsvirschléi si wëllkomm.

(Eng Weiderentwécklung vum Modul WikidataChart fir z. B. {{Waldiagramm}}, {{Klimadiagramm} o. ä. ass méiglech)

GilPe (Diskussioun) 09:42, 14. Jul. 2026 (UTC)äntweren

(Déi al Grafike si mëttlerweil all ersat | GilPe (Diskussioun) 09:28, 31. Jul. 2026 (UTC))äntweren

Et ass eng gutt Saach! Gesäit och gutt aus. | Mobby 12 (Diskussioun) 20:22, 14. Jul. 2026 (UTC)äntweren
Tipptopp! --Zinneke (Diskussioun) 08:47, 31. Jul. 2026 (UTC)äntweren

Schabloun:Databox

[Quelltext änneren]

Salut, ech hunn d'Schabloun {{Databox}} op d'lbwiki iwwerdroen. Dat ass eng Schabloun, mat där ee geneeresch Infoboxen asetze kann. Se hëlt d'Etikette vun enger Rei Eegenschaften zesumme mat hirem Wäert op Wikidata. Et kann een Eegenschaften, déi een net wëll hunn, ze Fouss ausschléissen, d'Bild, dat ugewise soll ginn eraussichen (et muss awer als P18 op Wikidata stoen – de Choix ass also minimal), an et kann een (wat éischter fir Beispiller wéi hei relevant ass), d'QID vun engem anere Wikidata-Element explizitt uginn.

E Beispill ass

Wikipedia op Lëtzebuergesch
Wikipedia-Sproochversioun
Grënnungsdatum / Baudatum21. Juli 2004 Änneren
Offiziellen NummWikipedia op Lëtzebuergesch, Lëtzebuergesch Wikipedia Änneren
BesëtzerWikimedia Änneren
Sprooch vum Wierk oder NummLëtzebuergesch Änneren
Schrëftsystemlaténgesche Schrëftsystem Änneren
BedreiwerWikimedia Änneren
ProduitInternet-Enzyklopedie Änneren
Websäithttps://lb.wikipedia.org/ Änneren
LizenzCreative Commons Namensnennung – Weitergabe unter gleichen Bedingungen 3.0 Generisch, GNU Free Documentation License Änneren
Urheberrechtsstatusurheberrechtlich geschützt Änneren
API-Endpunkthttps://lb.wikipedia.org/w/api.php Änneren
URL für eine zufällige Seitehttps://lb.wikipedia.org/wiki/Spezial:Zouf%C3%A4lleg_S%C3%A4it Änneren
Wikimedia-Sproochecodelb Änneren
Such-URL-Formatiererhttps://lb.wikipedia.org/wiki/Spezial:Sichen?search=$1 Änneren

D'Wäerter kann een änneren, wann een op de Bläistëft klickt, a wann eng Eegenschaft oder e Wäert keng Etikett op Lëtzebuergesch huet, gëtt déi däitsch respektiv déi englesch geholl (am Géigesaz zu eisen Infoboxen, déi an deem Fall kee Wäert uweisen).

Déi Schabloun gehéiert ass op ville Wikipedia-Versioune verbreet, virun allem op klengen, déi keng Ressourcen hu fir eegen Infoboxen opzezéien. Mir hunn hei schonn eng ganz Rei sophistiquéiert Infoboxen, mee jeeweils just fir bestëmmten Zorten Artikelen. Dohier duecht ech, datt et villäicht nëtzlech kéint sinn, mat der Databox eng Infobox ze hunn, déi ee wierklech iwwerall benotze kann, och do, wou mer keng speziell Infobox hunn. Se léisst sech och bestëmmt nach ausbauen; well se sou verbreet ass, fënnt sech bestëmmt eng Wikipedia, bei där ee sech ofkucke kann, wat een nach alles domat triwwele kann. --Volvox (Diskussioun) 20:44, 31. Jul. 2026 (UTC)äntweren

Koordinaten an Artikelen iwwer Plazen an der Ëmgéigend

[Quelltext änneren]

Salut, no Éiwegkeeten hunn ech endlech erausfonnt, wéi een dat hikritt, fir och op der lbwiki bei Special:Nearby Artikelen iwwer Plazen ugewisen ze kréien: Et muss ee just d'Koordinaten à la {{#coordinates:49.789167|6.063611|primary}} an den Artikel abannen. Ech hu laang gebraucht, fir erauszefannen, datt de primary néideg ass… Ech hunn den Androck, datt ee verschidden Zueleformater benotze kann, do muss ech nach ausprobéieren.

Da misste mer lo just nach un entspriechender Stell Upassunge maachen, datt eis Infobox-Koordinaten och d'Parserfunktioun #coordinates entspriechend alimentéieren. Dann hu mer direkt e risegen Deel vun eisen Artikele soi-disant gegeotaggt! Ech weess just nach net, wéi a wou, mee ech wollt awer scho mol vu menger klenger Entdeckung beriichten. --Volvox (Diskussioun) 18:54, 4. Aug. 2026 (UTC)äntweren

Iwwregens: Ween net duerch Zoufall an der Géigend vun de bis elo getaggten Artikele sëtzt, kann d'URL upassen oder no Spezial:Nobäi#/coord/49.8,6.1 sichen. --Volvox (Diskussioun) 18:56, 4. Aug. 2026 (UTC)äntweren
Moie @Volvox,
Merci fir dës Upassung, och wann ech (nach) net erausfonnt hunn, wat ech dovun hunn… Wou fannen ech déi „An der Géigend“-Funktioun am Artikel? Wann ech de Link uewen an dengem Message klicken, kréien ech just eng Feelermeldung. Wann ech dann z. B. am Artikel Biissen kucken, wou d'Schabloun dran ass, gesinn ech och net wat dat do bréng? Vläicht sinn ech schwéier vu Begrëff?? ;-) | GilPe (Diskussioun) 19:37, 4. Aug. 2026 (UTC)äntweren
Dat ass, well s du grad net an der Géigend vu Biissen bass ;)
Wann s de op Special:Nearby geess, kanns de dengem Browser erlaben, op däi Standuert zouuegräifen, an da kriss de just Säiten ugewisen, deenen hier speziell Koordinaten héchstens (ech mengen) 10 km vun dir ewech sinn. Mee du kanns awer och einfach wéi uewe beschriwwen an der URL iergendwellech Koordinaten aginn an dann d'Säiten aus där Géigend ugewise kréien. Momentan gëtt et awer ausser deenen dräi Biisser Testfäll nach näischt. Op deenen anere Wikie kanns de awer scho gesinn, wéi flott dat ass, wann d'Säit sech mat Dosenden Artikele fëllt ;)
Op dem Artikel selwer gesäit een dovunner näischt, et geet just drëms, se ze „geotaggen“, datt ee se iwwer d'Nearby-Funktioun fanne kann. Sou kritt ee mat, wat et ronderëm ee gëtt; an et mierkt een och villäicht, wat eventuell nach feelt. --Volvox (Diskussioun) 20:07, 4. Aug. 2026 (UTC)äntweren
Iwwregens gëtt et an der mobiller Vue vun der lbwiki an der lénkser Menüläischt de Punkt „Nobäi“, deen op genau dat hei – also Artikelen aus der Ëmgéigend – zréckgräife soll, an deen all déi Joren ni funktionéiert huet. Wat mengs de, wat sech do vill Lieser gewonnert hunn, firwat dat bei eis net geet...
An der Wikipedia-App heescht de Menü-Punkt iwweregens „Plazen“ an do gesäis de d'Artikelen aus der Géigend souguer mat engem Minibildchen op enger dynamescher Kaart! Ech fannen dat richteg gutt. --Volvox (Diskussioun) 20:13, 4. Aug. 2026 (UTC)äntweren
Okee, verstanen! Wann #coordinates dann elo an den Infoboxe agebaut an d'Koordinaten vu Wikidata huele géif, misst dat jo bal iwwerall funktionéieren, oder? | GilPe (Diskussioun) 20:46, 4. Aug. 2026 (UTC)äntweren
Genau, sou oder sou ongeféier ass de Plang.
Ech hu lo mol bei Schabloun:Coor dms #coordinates derbäigeprafft a lo missten no an no déi entspriechend Artikelen an der Nearby-Funktioun optauchen. Villäicht ass dat awer net déi propperste Léisung, wann déi Schabloun och op Plazen agesat gëtt, wou se net grad de Standuert vum Artikelsujet ugëtt. Ech hat och de Modul:Coordinates reaktivéiert an eng Schabloun:Coord GeoHack dropgeklaakt an dat funktionéiert och (et misst ee just nach iwwersetzen), mee ech weess net, ob sou ee schwéieren Apparat néideg ass. Ofgesinn dovun: Am rouegste wier ech, wann d'Koordinaten vum mam Artikel verbonnene Wikidata-Element agebonne gi géifen, da wier et ausgeschloss, datt een an iergendengem onpassende Kontext een Artikel geotagge géif. Oder et benotzt ee carrement eng Schabloun a part fir ze taggen a sëtzt jee no Kontext déi eng oder déi aner; da misst ee just a knapp 2.000 Artikele kucke goen, on een d'Koordinateschabloun ersetze wëll. Oder et baut een d'Funktioun engersäits an d'Infoboxe selwer an – ech froe mech, firwat dat net souwisou geschitt; de Les Meloures hat eng Kéier eppes driwwer gesit, mee ech weess net méi, wat de Problem war – a mir ginn eis eng zousätzlech Schabloun, fir Artikelen ouni Infobox ze geotaggen. Sou meng ongefiltert Iwwerleeungen. Affaire à suivre. --Volvox (Diskussioun) 23:28, 4. Aug. 2026 (UTC)äntweren
P.S.: Dorop komm, d'Modul:Coordinates ze reaktivéieren etc. wéi uewe geschriwwen, sinn ech wéinst deem heiten 13 Joer ale Kommentar: Schabloun Diskussioun:Coor#Update the template for more features. --Volvox (Diskussioun) 06:59, 5. Aug. 2026 (UTC)äntweren
Du sees:Am rouegste wier ech, wann d'Koordinaten vum mam Artikel verbonnene Wikidata-Element agebonne gi géifen
Ech sinn am rouegste wann d'Koordinate manuell an onsen Infoboxen agebaut sinn an och vum lb:Wikipedianer deen den Artikel gemaach huet kontrolléiert goufen. (et sinn der nach ëmmer vill onprezis op Wikidata an dann notzt de geotagging och rose wéineg). Doriwwer eraus ass och d'Schrëft bei onse manuelle Koordinate méi schéin. Doriwwer gouf viru Joren eng Kéier diskutéiert an dofir ass dat och laang sou gemaach ginn. Mä wéi gesot jiddweree gesäit et aus sengem klengen Eck. --Les Meloures (Diskussioun) 08:19, 5. Aug. 2026 (UTC)äntweren
PS: An där Schabloun un där s de gebastelt hues schéngt awer nach e Feeler ze sinn. --Les Meloures (Diskussioun) 08:59, 5. Aug. 2026 (UTC)äntweren
Ma wëlls de mer dann och verroden, wat fir ee Feeler s de fonnt hues ;) --Volvox (Diskussioun) 20:45, 5. Aug. 2026 (UTC)äntweren
Salut, wéi ech an der Kategorie:Säite mat Koordinaten, wou e Feeler an de Koordinaten ass 281 Säite gesinn hunn, an deenen déi Schabloun agebonnen ass, sinn ech dervun ausgaangen datt eppes falsch an der Schabloun ass. Ech sinn du kucke gaangen an hunn dat heite gesinn: {{#coordinates:}} ongültege Breedegrad. Well dat sou däitlech ze gesinn ass ginn ech dervun aus datt s du iwwerhaapt net an d'Schabloun kucke wars, a mech nëmme mat dengem Geschreifs op d'Schëpp huele wëlls (fir kee méi graffen Ausdrock) ze gebrauchen). Les Meloures (Diskussioun) 07:11, 6. Aug. 2026 (UTC)äntweren
Ech hunn net probéiert, dech op d'Schëpp ze huelen, also ënnerstell mir dat och wgl. net, mee merci dass de dech erkläert hues, lo weess ech, vu wat s de geschriwwen hues. Ech duecht mat „där Schabloun un där s de gebastelt hues“ häss de Schabloun:Coord GeoHack gemengt. Datt bei Schabloun:Coor dms de Feelermessage op der Schablounssäit steet, hunn ech gesinn an dat ass och normal, well do jo just {{{1}}}... als Parameter an d'Parserfunktioun gespeist ginn. Ech war awer tatsächlech net an d'Kategorie kucken, ob net nach aner Säiten do optauchen. Ech hu mer vereenzelt Fäll ugekuckt, an do läit de Feeler meeschtens net bei der Schabloun, mee dorunner, datt d'Koordinate selwer tatsächlech falsch formatéiert sinn an do geet dann och de Link op GeoHack net (vun dohier ass et gutt, datt déi Fäll iwwer dëse Wee opfalen). Deelweis läit et awer och drun, datt #coordinates zweemol op där selwechter Säit mam Parameterprimary steet, wat net sinn däerf. Dat wier ze behiewen, andeems ee wéi ënnen ugedeit {{Coor dms}} en zousätzleche Parameter gëtt, fir d'Parserfunktioun manuell un- an auszemaachen an dat an all 9.397 Artikelen, déi dës Schabloun benotzen, entspriechend unzepassen, dorunner kann ech mech fréistens den Owend setzen. --Volvox (Diskussioun) 07:40, 6. Aug. 2026 (UTC)äntweren
Ech hu mer vereenzelt Fäll ugekuckt, an do läit de Feeler meeschtens net bei der Schabloun, mee dorunner, datt d'Koordinate selwer tatsächlech falsch formatéiert sinn
Kanns de mer vläicht sou ee Fall uginn, da wees ech och wat am Artikel selwer eventuell misst verbessert ginn. --Les Meloures (Diskussioun) 08:19, 6. Aug. 2026 (UTC)äntweren
Yes. En Deel vun de Problemer schéngt dohier ze kommen, datt d'Wäerter fir Grad, Minutten oder Sekonnen ausserhalb vum erlaabte Beräich leien.
Bei Breedegrad:
- Grad >= 0 an <= 90
- Minutten >= 0 an < 60
- Sekonnen >= 0 an < 60
Beim Längegrad:
- Grad >= 0 an <= 180
- Minutten >= 0 an < 60
- Sekonnen >= 0 an < 60
Z. B. Heudicourt-sous-les-Côtes, Gemeng Beetebuerg, ... hunn ze grouss Wäerter.
Bei Papua-Neiguinea, Yzeures-sur-Creuse, ... feele Parameteren.
Ech hunn déi Beispiller lo net gefléckt, well dat niewelaanscht um Handy ze maachen ee Gepiddels ass, wou ee sech gäre verdeet. --Volvox (Diskussioun) 08:43, 6. Aug. 2026 (UTC)äntweren
Ech paken do gär eng Hand mat un. Hunn Heudicourt a Beetebuerg scho verbessert. Gesinn och wou déi aner Feeler sinn. Maachen dat vun e Samschden un. --Puscas (Diskussioun) 12:35, 6. Aug. 2026 (UTC)äntweren
@Volvox
Moien, och.
Ech hu mer déi Saach och ugekuckt an hunn erausfonnt datt an de wéinegste Säiten d'Schabloun falsch ausgefëllt ass, mä datt déi meescht ugewise ginn well d'Schabloun méi wéi eng Kéier op der Säit gebraucht gëtt. Wann se an normale Lëschte steet, gëtt och kee Message ugewisen, wann se awer an enger Infobox zweemol steet da kritt een de Message: {{#coordinates:}} Et kann nëmmen e primären Tag pro Säit ginn. Les Meloures (Diskussioun) 10:01, 7. Aug. 2026 (UTC)äntweren
An der Kategorie:Säite mat Koordinaten, wou e Feeler an de Koordinaten ass dierfte lo just nach Fäll stoen, wou et tatsächlech e Feeler mat de Koordinate gëtt. Ech hu {{Coor dms}} sou geännert, datt primär Koordinate just nach gesat ginn, wann een explizitt Haaptkoordinaten=jo als Parameter ugëtt, an dat mam VolvoxBot op deenen iwwer 9.000 Säite bäigesat, wou d'Schabloun an enger Infobox fir d'Feld „Koordinaten“ virkomm ass.
Ech muss nach kucken, wéi ech eng un den Infoboxen dréinen, datt och vu Wikidata agebonne Koordinaten als primär oder sekundär Koordinate vum Artikel hannerluecht ginn. --Volvox (Diskussioun) 07:31, 10. Aug. 2026 (UTC)äntweren
Fir déi pertinent Infobox-Felder ginn d'Koordinate lo och u #coordinates gespeist. --Volvox (Diskussioun) 17:13, 10. Aug. 2026 (UTC)äntweren
Dat betrëfft éischter déi generell Fro, ob et besser ass Wikidata-Donnéeën anzebannen oder Wäerter lokal ze setzen. Feeler kënnen hei lokal an op Wikidata geschéien an op béide Plaze korrigéiert ginn. Een, deen een Artikel uleet, kann och Wikidata-Koordinaten iwwerpréiwen. Dora gesinn ech keen Argument géint Wikidata-Koordinaten.
Mee konkreet: Wat fënns de beim Affichage vun de Koordinate bei {{Coor dms}} méi schéin? Déi benotzten Zeeche loosse sech einfach op Modul:Wd/i18n ab Zeil 38 upassen (do kann een och nach Espacen hannendru setzen, fir datt et méi der lokaler Schabloun gläicht. Oder stéiert et dech och, wann d'Wikidata-Koordinaten an de Sekonnen „00“ als Nokommastellen hunn? Dat wier och keng Hexerei, do kéint ee bei Modul:Wd kuerz virun Zeil 1173 eppes derbäisetzen, datt beim Affichage iwwerflësseg Nokommastellen ewechgelooss ginn.
A mengen Aen ass déi Schabloun net néideg fir Infoboxen – awer op anere Plazen! – mee se stéiert och net. Ech géif trotzdeem den Affichage vun de Wikidata-Koordinaten upassen, fir datt et een eenheetlecht Bild gëtt, ob lo d'Schabloun an enger Infobox steet, oder net. --Volvox (Diskussioun) 20:45, 5. Aug. 2026 (UTC)äntweren

Klenge Feedback: Virun allem déi interaktiv Kaart an der App (Android an iOS) mat de Miniaturbiller vun de geogetaggten Artikele ass fantastesch.

Ech hunn dat haut enger Rei Leit gewisen an et war fir mech richteg ongewinnt, wéi vill Interesse d'Leit op eemol un der lëtzebuergescher Wikipedia weisen; een huet sech souguer d'App erofgelueden, op Lëtzebuergesch agestallt, an ugefaangen op der Kaart ronderëm ze kucken an Artikelen duerchzeliesen. Villäicht kéint een offwiki eng kleng Kommunikatioun maachen, wann d'Leit dat relativ interessant fannen...

Ech fannen déi Kaart och perséinlech ganz nëtzlech, well een domat

  • op ee Bléck erkennt, wou Koordinaten net ganz exakt oder deels komplett falsch sinn (sou hat ech haut Australien, Singapur a Belize an der Stad Lëtzebuerg fonnt, warscheinlech wéinst engem Copy-Paste-Feeler; och ee Gebai an Ettelbréck stoung an der falscher Strooss). Déi kann een dann hei an/oder op Wikidata verbesseren.
  • op ee Bléck erkennt, wat fir geolokaliséiert Artikele kee Bild hunn (zumindest am Prinzip, heiansdo schénge se just net richteg gelueden ze ginn...). Dat gëllt iwwregens och fir d'Lëscht am Browser, net nëmmen d'Kaart an der App. Och fir z'erkennen, wou Wikidata-Etikette feelen oder ugepasst musse ginn, ass d'Lëscht praktesch.

Problemer sinn, datt {{Coor dms}} kee Geotagging maache sollt op Säiten wéi Lëschte vun Denkmaler/Kierchen/Kapellen/Weekräizer etc. oder wann se bei Länner an der Infobox als „Koordinate vun der Haaptstad“ virkënnt. Deemno misst een an d'Schabloun e Parameter abauen fir ze decidéieren, ob een tagge wëll oder net; kéint een och op aner Schabloune wéi {{Coor dms1 uewen}} auswäiten. Et wier och néideg de GeoTagging an Infoboxen anzebauen, awer natierlech just do, wou et Sënn ergëtt (also net um Niveau vu Modul:Wd, mee um Niveau vun dem jeeweilegen Infobox-Feld). Affaire à suivre. --Volvox (Diskussioun) 23:05, 5. Aug. 2026 (UTC)äntweren

Gudde Mëtteg,
Iwwer dës Diskussioun hunn ech eng Rei Saache geléiert, absënns dat wat mat {{#coordinates:49.xxx|6.xxx|primary}} an der mobiller App méiglech ass (eppes wat ech net all ze vill benotzen, muss ech zouginn).
Wat de Punkt ugeet ob et besser ass Wäerter lokal anzeginn oder déi vu Wikidata z'iwwerhuelen, sinn ech prinzipiell fir Wikidata. Menger Meenung no gëtt en neie President vum Land X (fir just dat Beispill ze nennen) éischter op Wikidata à jour gesat wéi lokal op der lb.wiki. Et ginn awer och zou, datt et Ausname gëtt, wou e lokale Wäert méi Sënn mécht. Déi allgemeng Diskussioun iwwer lokal / Wikidata kéint vläicht eng Kéier op enger anerer Plaz diskutéiert ginn. | GilPe (Diskussioun) 13:29, 6. Aug. 2026 (UTC)äntweren