Wilhelm Lamormaini

Vu Wikipedia
Op d'Navigatioun wiesselen Op d'Siche wiesselen
Wilhelm Lamormaini
Wilhelm lamormaini.jpg
Gebuertsnumm Guillaume Germai
Gebuer 8. Januar 1571 jul.
Lamorménil
Gestuerwen 22. Februar 1648
Wien
Nationalitéit Éisträich
Educatioun Karls-Universitéit
Aktivitéit Priister, Professer
Wikidata-logo-without-paddings.svg

De Wilhelm Lamormaini, gebuer als Guillaume Germai den 29. Dezember 1570 zu Lamorménil, am Herzogtum Lëtzebuerg, haut an der belscher Gemeng Manhay, a gestuerwen den 22. Februar 1648 zu Wien, war e lëtzebuergesche Theolog a Jesuit.

An der Zäit vum Drëssegjärege Krich war hien de Beichtpapp a Conseiller vum Keeser Ferdinand II. an domat eng aflossräich Perséinlechkeet, wat d'Ausbreede vun der Géigereformatioun a Mëtteleuropa ugeet.

Hie war de Brudder vum Henri Germai.

Liewen[änneren | Quelltext änneren]

Hien huet bei de Jesuiten zu Tréier studéiert a goung dunn op Prag an op Brno, wou e promovéiert huet an an de Jesuitenuerden agetratt ass. Hien huet zu Bratislava als Paschtouer an zu Žilina an zu Prag als Enseignant geschafft. 1606 gouf e Professer fir Theologie op der Jesuitenuniversitéit vu Graz, am Herzogtum Steiermark. Do gouf den Erzherzog Ferdinand II. vu Bannen-Éisträich, de spéidere Keeser, op hien opmierksam.

Vu 1621 bis 1623 war de Lamormaini zu Roum, bis e Rektor vum Jesuitekolléisch vun der Universitéit Wien gouf. 1643 bis 1645 war hie Provinzial vun den éisträichesche Provënze vun de Jesuiten.

1624 gouf hie Beichtpapp a Conseiller vum Ferdinand II. bis zu deem sengen Doud, 1637.

Hien huet un enger Biographie iwwer de Keeser matgeschriwwen, vun där just en Deel 1638 publizéiert gouf, mam Titel: Ferdinand II, Romanorum Imperatoris, Virtutes "(Ferdinand II, Réimesche Keeser, Dugenden").

Um Spaweck[änneren | Quelltext änneren]

Commons: Wilhelm Lamormaini – Biller, Videoen oder Audiodateien