Zentralamerika

Zentralamerika
Geographie
Besteet aus	Belize, Costa Rica, El Salvador, Guatemala, Honduras, Nicaragua, Panama, Karibik
Fläch	560.988 km²
Demographie
Awunner	52.548.954 (Mëtt 2024)
Aner Informatiounen

Zentralamerika (dt: Zentralamerika, fr: Amérique centrale, en: Central America) ass am geographesche Sënn d'Landbréck an der Mëtt vum amerikanesche Kontinent a gëtt gemenkerhand zu Nordamerika gezielt.

Zesumme mat de Westindeschen Insele bzw. der Karibik, déi och zu Nordamerika gehéiert, bilt Zentralamerika d'Regioun Mëttelamerika.

De Begrëff Zentralamerika gëtt heiansdo iertemlecherweis als Synonym fir Mëttelamerika benotzt.

Länner

Nr	Territoire	Offizielle Staatsnumm	Haaptstad	Fläch [km²]	Awunner
1	Belize	Belize	Belmopan	22.996	417.072
2	Costa Rica	Republik Costa Rica	San José	51.100	5.129.910
3	El Salvador	Republik El Salvador	San Salvador	21.041	6.338.193
4	Guatemala	Republik Guatemala	Guatemala-Stad	108.889	18.406.359
5	Honduras	Republik Honduras	Tegucigalpa	112.090	10.825.703
6	Nicaragua	Republik Nicaragua	Managua	130.370	6.916.140
7	Panama	Republik Panama	Panama-Stad	75.420	4.515.577

Mat Ausnam vu Panama, gehéieren d'Länner an der Tabell geographesch komplett zu Zentralamerika. Jee no der geographescher Definitioun gehéiert den Territoire vu Panama gréisstendeels oder ganz zu Zentralamerika.

Mexiko gëtt deels och zu Zentralamerika gezielt, ass awer net an der Lëscht, well nëmmen e relativ klengen Deel vum mexikaneschen Territoire zu Zentralamerika gehéiert.

Um Spaweck

Commons: Zentralamerika – Biller, Videoen oder Audiodateien