Zentrum fir politesch Bildung

Vu Wikipedia
Zentrum fir politesch Bildung
Typ Stëftung
Grënnungsdatum 2016
Sëtz 138, Boulevard de la Pétrusse
L-2330 Luxembourg
Lëtzebuerg
Leedung Marc Schoentgen (Direkter)
Homepage www.zpb.lu

Den Zentrum fir politesch Bildung (ZpB) ass eng lëtzebuergesch Stëftung, där hir Aufgab an der Bildung iwwer d'Demokratie läit.

Geschicht[änneren | Quelltext änneren]

Den ZBP gouf de 15. September 2016 ënnert der Regierung Bettel-Schneider gegrënnt. E war fir d'éischt um eduPôle zu Walfer lokaliséiert,[1] éier en an d'Stad geplënnert ass.

Den Zentrum gëtt vum Staat finanzéiert, mee ass politesch onofhängeg.[2]

Direkter ass zënter dem Ufank de Marc Schoentgen.

Aufgaben[änneren | Quelltext änneren]

D'Zil vum Zentrum fir politesch Bildung ass et, den Engagement als Bierger ze fërderen, andeems en zu engem bessere Verstoe vun der Politik an der Demokratie a vun den aktuelle gesellschaftlechen Erausfuerderunge bäidréit. Den Zentrum wëll besonnesch jonk Leit encouragéieren, um politesche Liewen an um ëffentlechen Discours deelzehuelen. Dofir preparéiert den ZpB pedagogescht Material an organiséiert Formatiounen zu aktuelle politeschen Theemen, Debatten a Konferenzen. E verëffentlecht och Publikatiounen a setzt Projeten a Concoursen ëm.

Referenzen[Quelltext änneren]

  1. tageblatt.lu: "Zentrum fir politesch Bildung": symbolischer Spatenstich (13. Oktober 2016)
  2. wort.lu: Regierung stellt "Zentrum für politische Bildung" vor (14, Oktober 2016)