Marc Theis

Marc Theis
Marc Theis
Gebuer	18. Abrëll 1953; Lëtzebuerg
Nationalitéit	Lëtzebuerg
Aktivitéit	Fotograf, Saachbuchauteur

De Marc Theis, gebuer den 18. Abrëll 1953 an der Stad Lëtzebuerg,^[1] ass e lëtzebuergesche Fotograf.

Hien ass a Frankräich an zu Diddeleng opgewuess an huet fir Dekorateur a Schrëftsetzer geléiert. 1971 huet en op der Lazi Akademie zu Stuttgart Graphik a Konscht studéiert. Hien huet sech 1976 zu Hannover installéiert (wou en haut nach wunnt) an do fir d'éischt als Fotograf op der Medezins-Fakultéit, duerno 5 Joer laang am Publicitéitsrayon vum Tourismuskonzern TUI, geschafft.

Zanterhier ass e fräischafende Fotograf. Hien huet ë. a. fir d'Sennheiser-Mikrophone bekannt Museker fotograféiert.

D'Portraiten op den Timberen déi d'Lëtzebuerger Post am Joer 2000 wéi den Groussherzog Henri op den Troun koum, erausginn huet, si vum Marc Theis^[2].

Beim Nikon Photo Contest International 1985/1986 huet hie mat senger Foto "Strandläufer" d'Goldmedail fir déi bescht Faarffoto gewonnen.

Publikatiounen (Auswiel)[änneren | Quelltext änneren]

1993: D'Lëtzebuerger mat Texter vum Gilbert Trausch, Édition Saint-Paul, ISBN 2-9599988-0-4
1995: Artistes luxembourgeois d'aujourd'hui, zesumme mat der Elisabeth Vermast, Edition Marc Theis, Lëtzebuerg / Hannover
2000: Luxembourg, Banks and Architecture, Texter Ina Nottrot, Éditions Guy Binsfeld, ISBN 978-2879540900
2009: Léa avec amour, zesumme mat der Léa Linster
2010: Scorpions Rock & Roll Forever, Hommage Verlag, ISBN 978-3868600742
2011: Lost in Time, mat engem Text vum Boris von Brauchitsch, Peperoni Books, ISBN 978-3941825284
2013: mobile beauties, Ars Cracovia Galerie, Köln
2020: (in) progress. Kirchberg fotografisch dokumentiert.